इथियोपियामधील हॅली गब्बिन ज्वालामुखीचा उद्रेक झालाय. जवळपास १० हजार वर्षांनंतर या ज्वालामुखीचा उद्रेक झाला असून त्याची राख २५ ते ४५ हजार फूट उंच उडाली. ही राख थेट भारतात पोहोचलीय. दिल्ली, राजस्थान आणि उत्तर भारतातील अनेक ठिकाणी पोहोचलीय. राजधानी दिल्लीच्या अनेक भागात AQI ४०० च्या पार गेला आणि विषारी धुके पसरलंय.

आनंद विहार, एम्स आणि सफदरजंगच्या आसपासची दृश्यमानता कमी झालीय. ज्वालामुखीच्या राखेमुळे अकासा एअर, इंडिगो आणि अनेक आंतरराष्ट्रीय उड्डाणांचे मार्ग बदलण्यात आलेत आणि तर काही उड्डाणे रद्द करण्यात आली आहेत. ज्या भागांच्या हवेत राख पसरलीय. त्या भागातून उड्डाणे करण्यास मज्जाव करण्यात आलाय.

तर काही विमानांचे मार्ग बदलण्यास आणि इंजिनची तपासणी करावी असे निर्देश नागरी विमान वाहतूक महासंचालनालयाने (DGCA) विमान कंपन्यांना दिलेत. दरम्यान हवेत राख पसरल्यानं नागरिकांनी भीतीचं वातावरण आहे. परंतु शास्त्रज्ञांच्या मते पृष्ठभागावरील हवेच्या गुणवत्तेवर फारसा परिणाम होणार नाही, परंतु त्यामुळे उंचावरील उड्डाणांना धोका निर्माण होईल.

युरोपियन स्पेस एजन्सीच्या सेंटिनेल-२ आणि टूलूस ज्वालामुखी राख सल्लागार केंद्राच्या अहवालांमध्ये राखेचे लोट हजारो किलोमीटरपर्यंत वेगाने पसरत असल्याचे दिसून येत आहे. उपग्रहाद्वारे या ज्वालामुखीचे काही फोटो मिळवण्यात आली आहेत, या फोटोंमध्ये इथियोपियाच्या हॅली गुब्बी ज्वालामुखी अचानक सक्रिय झाल्याच दिसत आहे. या ज्वालामुखीचा १० हजार वर्षानंतर उद्रेक झाला. शास्त्रज्ञांच्या मते, होलोसीन काळात ज्वालामुखीची कोणतीच हालचाल दिसली नव्हती, त्यामुळे ज्वालामुखीचं उद्रेक होणं हे आश्चर्यकारक आह.