husband dies after wife’s death emotional story : पत्नीच्या निधन झाल्याची धक्कादायक बातमी समजताच नवऱ्याने प्राण सोडल्याची हृदयद्रावक घटना घडली आहे. अवघ्या १२ तासात पत्नी अन् पतीचा मृत्यू झाल्याने सगळ्या गावाच्या डोळ्यात पाणी तरळलेय. पती-पत्नीचं नातं संसाराच्या दोन चाकाप्रमाणे असतं. शेवटच्या क्षणापर्यंत एकमेकांना साथ देत असतात. पण दोघापैकी एकाने साथ सोडली तर दुसऱ्याला प्रचंड वेदना होतात. त्या वेदनेतूनच पत्नीच्या जाण्याचा धक्का सहन झाला नाही अन् नवऱ्याने प्राण सोडले. दोघांवर एकाच वेळी अंत्यसंस्कार करण्यात आला. उत्तर प्रदेशमधील झाशीमध्ये ही मन हेलावून टाकणारी घटना घडली आहे.

उत्तर प्रदेशमधील झाशी जिल्ह्यातील इंग्रानगरमध्ये ही मन हेलावणारी घटना घडली आहे. ७६ वर्षीय रामरतन गुप्ता परिसरातील मोठे व्यापारी होते. ७० वर्षाच्या रामदेवी गुप्ता यांच्यासोबत त्यांचा ५० वर्षांपासून सुखी संसार सुरू होता. दोघांचाही एकाच दिवशी मृत्यू झाला. आधी बायकोने प्राण सोडले, हे ऐकताच रामरतन गुप्ता यांचाही मृत्यू झाला. दोघांची एकाचवेळी अंत्य यांत्रा निघाला अन् एकाच वेळी अंत्यसंस्कार करण्यात आले. रतन गुप्ता यांना अरविंद गुप्ता, धमेंद्र गुप्ता आणि उपेंद्र गुप्ता अशी तीन मुले आहेत.

एकाच वेळी अंत्यसंस्कार, साऱ्या गावाच्या डोळ्यात पाणी

४ ऑक्टोबर रोजी प्रकृती खालावल्यामुळे रामदेवी यांचं सकाळी ९ वाजता अचानक निधन झाले. त्यांच्या निधनाबाबत समजताच गावातील लोक अन् पाहुणे जमण्यास सुरूवात झाली. रामदेवी यांचा मृतदेह पाहून रामरतन यांना मानसिक धक्का बसला. रामदेवी यांच्यावर अंत्यसंस्कार होण्याआधीच रामरतन यांनीही प्राण सोडले. फक्त १२ तासांच्या अंतरात नवरा अन् बायकोचा मृत्यू झाला. दोघांची एकत्र अंत्ययात्रा काढण्यात आली अन् एकाचवेळी अंत्यसंस्कार करण्यात आली. हे दृश्य पाहून कुटुंबातील सदस्य रडून रडून बेहाल झाले तर गावकऱ्यांच्याही डोळ्यात पाणी तरळले.