Emergency Landing of Amit Shah's Plane : बुधवारी रात्री गृहमंत्री अमित शाह यांच्या विमानाचे गुवाहाटी येथील गोपीनाथ बोरदोलोई आंतरराष्ट्रीय विमानतळावर आपत्कालीन लॅडींग करण्यात आले. मिळालेल्या माहितीनुसार, अमित शाह बुधवारी रात्रीच आगरतळाला पोहोचणार होते, मात्र आगरतळ्यातील खराब हवामानामुळे विमान आगरतळा विमानतळावर उतरू शकले नाही. यामुळे विमान गुवाहाटी आंतरराष्ट्रीय विमानतळाकडे सुरक्षितपणे उतरवण्यात आले आहे.

अमित शाह भाजपच्या 'जनविश्वास रथयात्रे'ला हिरवा झेंडा दाखवतील आणि त्यानंतर धर्मनगर (उत्तर त्रिपुरा जिल्हा) येथे सकाळी 11 वाजता जाहीर सभा होणार आहे. तिथल्या एका कामगाराच्या घरी ते दुपारचे जेवणही करणार असल्याची माहिती समोर आली आहे. भाजपने त्रिपुरात रथयात्रेचं आयोजन केलं आहे. याच रथयात्रेचं उद्घाटन करण्यासाठी अमित शाह गुरुवारी सकाळी आगरतळाला रवाना होणार आहेत.

अधिकाऱ्यांनी सांगितले की, दाट धुक्यामुळे दृश्यमानता कमी झाल्यामुळे बुधवारी रात्री केंद्रीय गृहमंत्री अमित शाह यांचे विमान आगरतळ्याच्या महाराजा बीर बिक्रम विमानतळावर उतरू शकले नाही. केंद्रीय गृह मंत्री अमित शाह बुधवार रात्री त्रिपुराला जाणार होते. या ठिकाणी विविध कार्यक्रमाचं आयोजन करण्यात आलं आहे. मात्र, आता कार्यक्रमात बदल होण्याची शक्यता वर्तवण्यात येत आहे.