संजय डाफ

नागपूर: मस्कतहून ढाकाकडे जाणाऱ्या विमान बांग्लादेशच्या विमानाने वैमानिकाला हृदयविकाराचा झटका आल्यानंतर शुक्रवारी नागपूर येथे आपत्कालीन लँडिंग करण्यात आलं आहे, अशी माहिती विमानतळाच्या अधिकाऱ्याने दिली आहे.

126 प्रवाशांसह बोईंग विमान सकाळी 11.40 वाजता उतरवण्यात आलं, असे अधिकाऱ्यांनी माहिती दिली आहे. तसेच त्या पायलटला स्थानिक रुग्णालयात दाखल करण्यात आले, अशी माहिती त्यांनी दिली.

मस्कतवरून बांगलादेशकडे जाताना पायलटला छातीत दुखत असल्याने, विमान रायपूरजवळ होते जेव्हा त्याने आपत्कालीन लँडिंगसाठी कोलकाता एटीसीशी संपर्क साधला आणि त्याला नागपूरच्या जवळच्या विमानतळावर उतरण्याचा सल्ला देण्यात आला.

दोन देशांमधील हवाई प्रवास कोरोनाव्हायरस साथीच्या काळात निलंबित केल्यानंतर विमान बांगलादेशने अलीकडेच भारतासह विमान सेवा पुन्हा सुरू केली. पायलटला उपचारासाठी खासगी रूग्णालयात दाखल करण्यात आले आहे. तरी विमानातील यात्री विमानतळावरच असून, एअरलाईन्सने पर्यायी विमानाची व्यवस्था केल्यानंतर त्यांना रवाना करण्यात येईल, अशी माहिती संचालक आबीद रूही यांनी दिली आहे.

Edited By-Sanika Gade