महाराष्ट्रातील नीट पेपर फुटी प्रकरणाचे पडसाद देशाच्या कानाकोपऱ्यात पोहचल्यानांतर तरुणाईंनी दिल्लीतील जंतर मंतर येथे आवाज उठवला. cjp चे संस्थापक अभिजित दिपके आणि सोनम वांगचुक यांच्या मार्गदर्शनाखाली २६ दिवस हे आंदोलन सुरु होत. केंद्रीय शिक्षणमंत्री धर्मेंद्र प्रधान यांनी राजीनामा द्यावा ही या आंदोलनाची प्रमुख मागणी होती. दरम्यान या आंदोलनाला आज यश आले असून शिक्षण मंत्री प्रधान यांनी आपला राजीनामा दिला आहे. या विजयानंतर आंदोलकांनी दिल्लीत जल्लोष केला असून सीजेपीने सोशल मीडिया पोस्ट करत हे तरुणांचं यश असल्याचे म्हटले आहे.

गेले २६ दिवस दिल्लीतील जंतर मंतर येथे विद्यार्थ्यांनी आणि त्यांच्या पालकांनी शिक्षणव्यवस्थेबाबत असलेला राग आंदोलनाच्या मार्फत सरकारसमोर व्यक्त केला. २० जुलै रोजी झालेल्या मोर्चा दरम्यान आंदोलकांवर लाठी चार्ज करण्यात आला. यानंतर हे आंदोलन चिघळलं. मात्र विद्यार्थ्यांच्या लढ्याला सरकार नरमल असून धर्मेंद्र प्रधानांनी राजीनामा दिला आहे. या राजीनाम्यानंतर विद्यार्थ्यांनी एकच जल्लोष केला. सीजेपीचे संस्थापक अभिजित दिपके यांनी याबाबत तरुणांशी जंतर मंतर वरून संवाद साधून या लोकशाहीला घाबरायचं नाही, आज सिद्ध झालं आहे की जर या सरकारसमोर झुकलो नाही तर, आपण अनेकांचे राजीनामे घेऊ शकतो.

आतापर्यंत आपली एक मागणी मंजूर केली असून आत्महत्या केलेल्या विद्यार्थ्यांच्या कुटुंबीयांना एक कोटींची नुकसानभरपाई मिळाली पाहिजे आणि पोलिसांनी जो लाठीमार केला होता, त्या पोलिसांवर कारवाई झाली पाहिजे या दोन मागण्या देखील सरकारने मान्य कराव्यात यासाठी हे आंदोलन सुरूच राहणार असल्याचं दिपके यांनी म्हटलं.

अभिजित दिपके यांनी डीसीपी संदीप लांबा, एसीपी अजय शर्मा, सचिन शर्मा यांना कडक शब्दात इशारा दिला आहे. ते म्हणाले जर आम्ही केंद्रीय मंत्र्यांचा राजीनामा घेऊ शकतो , तर तुम्ही काय आहात? दरम्यान हे यश विद्यार्थ्यांचं आहे. ज्यांना कॉकरोच म्हणून हिणवलं त्यांनी करून दाखवलं असल्याचं त्यांनी यावेळेस म्हटलं.आता हा मोर्चा कोणतं नवीन वळण घेणार हे पाहणं महत्त्वाचं ठरेल. विद्यर्थ्यांच्या इतर दोन मागण्या पूर्ण होणार का? याकडे आता संपूर्ण देशाचे लक्ष लागले आहे.