नशेच्या आहारी गेलेला व्यक्ती कोणत्याही थराला जाऊ शकतो. दिवसभर दारूच्या नशेत राहणारा व्यक्ती काय करेल, सांगता येत नाही. अशाच एका तरुणाचा हादरवणारा प्रताप समोर आला आहे. २४ तास नशेत असणाऱ्या उत्तर प्रदेशच्या रामपुरातील व्यक्तीने हादरवणारं कृत्य केलं आहे. दारूसाठी पैसे न दिल्याने नशेत मुलाने आईची हत्या केली आहे. या प्रकरणात आरोपींनी मुलाला अटक केली आहे.

मिळालेल्या माहितीनुसार, रामपूरच्या शाहाबाद पोलीस स्टेशनच्या हद्दीत असलेल्या जागेश्वर गावातील रोनी नावाच्या तरुणीने सख्ख्या भाऊ राजू भारतीच्या विरुद्ध एफआयआर दाखल केली आहे. आरोपी राजू भारतीने आई माया देवीला दारू पिण्यासाठी पैसे मागितले. परंतु आईने दारूसाठी पैसे देण्यास नकार दिला.

आईने दारूसाठी पैसे न दिल्याने राजू भारती भडकला. त्याने आईला विटाने मारण्यास सुरुवात केली. या हल्ल्यात राजू भारती गंभीर जखमी झाली. तिला जखमी अवस्थेत तातडीने रुग्णालयात दाखल केलं. रुग्णालयात दाखल केल्यानंतर माया देवीचा उपचारादरम्यान मृत्यू झाला.

वरिष्ठ पोलीस अधिकारी रामपूर अनुराग सिंह यांनी सांगितलं की, आईने मुलाला दारूसाठी पैसे न दिल्याने वीट फेकून मारली. या घटनेत माया देवी गंभीर जखमी झाली. माया देवीचा उपचारादरम्यान मृत्यू झाला. माया देवीच्या मृत्यूनंतर संपूर्ण गावात एकच खळबळ उडाली आहे. माया देवीच्या निधनाने गावावर शोककळा पसरली आहे.

या घटनेनंतर माया देवीच्या मुलीने भावाच्या विरोधात गुन्हा दाखल केला. त्यानंतर पोलिसांनी आरोपीला तातडीने ताब्यात घेतलं. गावातील लोकांकडून आरोपीवर कठोर कारवाईची मागणी करण्यात येत आहे. पोलिसांनी या प्रकरणी पुढील तपास सुरू केला आहे.