मध्य पूर्वेत युद्धाचा आगडोंब उसळलाय...इराणने अमेरिकेच्या लष्करी तळांना लक्ष्य करुन ट्रम्प यांच्या नाकात दम आणलाय.. इराण 24 तासात शरण येईल, या आडाख्यांना इराणी लष्कराने तडा दिलाय.. या युद्धाच्या आगीची झळ अमेरिकेला बसू लागलीय आणि अमेरिकन जनतेनं डोनाल्ड ट्रम्प यांना घेरायला सुरुवात केलीय.. फक्त जनताच नाही तर अमेरिकेचे परराष्ट्र मंत्री मार्को रुबियो यांनीही इस्त्रायलच्या दबावामुळेच युद्धात उडी घेण्याची नामुष्की आली अशी भूमिका मांडली... आणि ट्रम्प यांची आणखीनच गोची झाली..

दुसरीकडे अमेरिकचे खासदार थॉमस मॅस्सी यांनी तर एपिस्टीन फाईलवरचं लक्ष हटवण्यासाठी ट्रम्प यांनी इराणवर हल्ला केल्याचा आरोप केलाय.. याच दरम्यान अमेरिकेतील सर्व्हेत ट्रम्प यांचं टेन्शन वाढवणारी माहिती समोर आलीय... अमेरिकेनं इराणवर केलेल्या हल्ल्याचा 65 टक्के विरोध मतदारांनी विरोध केलाय.. तर 35 टक्के मतदारांनी डोनाल्ड ट्रम्प यांच्या निर्णयाचं समर्थन केलंय.

आता डोनाल्ड ट्रम्प मध्य पूर्वेत कितीही मिसाईल डागून आपली प्रतिमा उजळवण्याचा प्रयत्न करत असले तरी घरातच जनक्षोभ उसळल्याने आगामी काळात होणाऱ्या मध्यावधी निवडणुकांमध्ये ट्रम्प यांच्या सत्तेला हादरा बसण्याचीच शक्यता अधिक आहे...