इस्रायलकडून कतारची राजधानी दोहामध्ये मोठा हल्ला करण्यात आलाय. मीडिया रिपोर्ट्सनुसार, स्फोटांनंतर शहरातील कतारा जिल्हा परिसरातून धुराचे लोट उठताना दिसले. दोहामध्ये हमास नेते युद्ध विरामाबाबत चर्चा करत करत होते, त्याचवेळी इस्रायलने हवाई हल्ला केला.

इस्रायली माध्यमांनी दावा केला आहे की हा हल्ला गाझा प्रमुख खलील अल-हय्या यांच्यासह हमासच्या वरिष्ठ नेत्यांना लक्ष्य करण्यासाठी करण्यात आला. तर अल-जझीराने वेगळा दावा केलाय. अमेरिकेने प्रस्तावित केलेल्या युद्धबंदी योजनेवर चर्चा करण्यासाठी दोहा येथे हमासचे शिष्टमंडळ चर्चा करत होते. त्यावेळी इस्रायलने हल्ला केलाय.