नीट पेपरफुटी प्रकरणावरून कॉक्रोच जनता पार्टी आणि विरोधकांकडून केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी होत असताना मोदी सरकारने स्पष्ट संकेत दिले आहेत की ही मागणी मान्य केली जाणार नाही. सूत्रांनी दिलेल्या माहितीनुसार, धर्मेंद्र प्रधान राजीनामा देणार नाहीत आणि सरकारला हा प्रश्न सोडवण्यासाठी तो उपाय योग्य वाटत नसल्याचे सांगितले जात आहे. सरकारचे म्हणणे आहे की, राजीनामा देऊन जबाबदारीपासून दूर पळणे हा सर्वात सोपा मार्ग आहे, असे सरकारचे म्हणणे आहे. जनतेने सरकारला जनादेश दिला आहे आणि सरकार आपली जबाबदारी पार पडत असून शिक्षण व्यवस्थेत आवश्यक सुधारणा करेल. संपूर्ण पक्ष हा धर्मेंद्र प्रधान यांच्या पाठीशी ठामपणे उभा आहे.

सूत्रांनी सांगितले की, नॅशनल टेस्टिंग एजन्सीमध्ये असलेल्या त्रुटी आणि अडचणी जाणून घेत आहोत. सरकार या सगळ्याची एक सविस्तर यादी तयार करत असून त्या लवकरात लवकर दूर करण्यासाठी आवश्यक ती पावले उचलली जातील. पेपर फुटीच्या अनेक टोळ्यांचा आधीच पर्दाफाश करण्यात आला आहे. तपास यंत्रणा मोठ्या प्रमाणात कारवाई करत असून येत्या काही दिवसांत अशा नेटवर्कविरोधात आणखी कडक पावले उचलली जातील. राजीनाम्याच्या राजकारणाऐवजी देशातील परिक्षा पद्धती पारदर्शक आणि विश्वासार्ह बनवण्यावर सरकारचा मुख्य भर आहे.

यापूर्वी केंद्रीय मंत्री जे.पी. नड्डा यांच्यासोबत झालेल्या बैठकीत कॉक्रोच जनता पार्टीच्या प्रतिनिधीनी स्पष्ट केले की, धर्मेंद्र प्रधान यांच्या राजीनाम्याच्या बाबतीत कुठलीही तडजोड करणार नाही. तसेच दिल्ली पोलिसांनी आणि रॅपिड अॅक्शन फोर्सने सार्वजनिक माफी मागावी अशीही मागणी केली.