Dhanbad Clinic Fire News: धनबादमध्ये हाजरा क्लिनिक आणि हॉस्पिटलमध्ये शुक्रवारी रात्री दोन वाजण्याच्या सुमारास अचानक आग लागल्याची घटना घडली. या आगीत डॉक्टर दाम्पत्यासह एकूण ६ जणांचा मृत्यू झाला आहे. रुग्णालयाच्या पहिल्या मजल्यावर डॉक्टर कुटुंबासह राहत होते. झारखंडचे मुख्यमंत्री हेमंत सोरेन यांनी या घटनेवर दु:ख व्यक्त केले आहे.

हेमंत सोरेन यांनी ट्वीट करून म्हटले की, "धनबाद स्थित हाजरा मेमोरियल रुग्णालायत रात्री उशीरा लागलेल्या आगीत प्रसिद्ध डॉक्टर दाम्पत्य डॉ. विकास आणि डॉ. प्रेमा हाजरासह एकूण ६ लोकांच्या मृत्यूने मन आहे. परमात्मा दिवंदगत आत्म्यांना शांती प्रदान करून शोकाकुल परिजनांना दु:खाच्या या बिकट प्रसंग सहन करण्याची शक्ति देओ."

मिळालेल्या माहितीनुसार ही घटना रात्री उशिरा दोनच्या सुमारास घडली. रुग्णालयाच्या वरच्या मजल्यावर डॉक्टरांचे खासगी निवासस्थान असून त्याच्या शेजारीच दुकान, स्वयंपाकघर आणि पूजागृह असल्याचे कळतेय. रात्री उशिरा आधी रुग्णालयाच्या स्टोअर रूममध्ये आग लागली आणि त्यानंतर ती हळूहळू इतर ठिकाणी पसरत गेली. या घटनेची माहिती मिळताच अग्निशमन दलाच्या पाच गाड्या घटनास्थळी दाखल झाल्या आणि आग आटोक्यात आणली. शहरातील बँक मोड पोलीस ठाण्याच्या हद्दीतील टेलिफोन एक्सचेंज रोडवर हे हॉस्पिटल आहे.

ही आग लागली तेव्हा रुग्णालयातील सर्वजण झोपेत होते. ही आग एवढी भीषण होते की काही वेळाताच संपूर्ण निवासी कॉम्प्लेक्स धुराने भरून गेले होते. या घटनेत डॉक्टर दाम्पत्यासह, एक घरगुती नोकर, डॉक्टरांचा पुतण्या आणि एका नातेवाईकासह पाच जणांचा मृत्यू झाला. हे सर्व मृतदेह वेगवेगळ्या खोल्यांमधून सापडले आहेत.