Delhi Crime News : दिल्लीतून धक्कादायक घटना समोर आली आहे. दिल्लीत पुन्हा एकदा श्रद्धा वालकर हत्या प्रकरणासारखी घटना दिल्लीत घडली आहे. दिल्लीत मृतदेहाचे तीन तुकडे करुन नाल्यात टाकल्याची घटना घडली आहे. या घटनेने परिसरात एकच खळबळ उडाली आहे. (Latest Marathi News)

मिळालेल्या माहितीनुसार, उत्तर दिल्लीतील (Delhi) भलस्वा येथील नाल्यात मृतदेहाचे तीन तुकडे आढळले आहेत. या घटनेनंतर परिसरात एकच खळबळ उडाली आहे. या प्रकरणी दोन संशयित आरोपींना अटक केली आहे. दोन संशयित दहशतवादी व्यक्तींच्या चौकशी दरम्यान मिळालेल्या माहितीनंतर दिल्ली पोलिसांच्या (Police) स्पेशल टीमची कारवाई केली आहे.

पोलिसांनी दोघांना घेतलं ताब्यात

दिल्ली पोलिसांनी या प्रकरणी नौशाद आणि जगजीत सिंह यांना ताब्यात घेतलं आहे. पोलिसांनी या संशयित आरोपींना गुरुवारी ताब्यात घेतलं आहे. न्यायालयाने या दोनही आरोपींना शुक्रवारी 14 दिवसांची पोलिस कोठडी सुनावली आहे. या संशयित दहशतवाद्यांची चौकशी केल्यानंतर यांच्या घरी पोलिसांनी टाकलेल्या रेडमध्ये पोलिसांना 3 पिस्तुल, हॅन्डग्रेड आणि 22 जिवंत काडतुसं मिळाली आहे.

दिल्ली पोलिसांनी दिलेल्या माहितीनुसार,जगजीत सिंह याचा खालिस्तानी दहशतवाद्यांशी संबंध आहे. दुसरा आरोपी नौशाद देखील ‘हरकल अल अन्सार’ HUA या दहशतवादी गटाशी असल्याचं पोलिसांनी म्हटलं आहे. या दोनही आरोपींच्या विरोधात युएपीएच्या अंतर्गत गुन्हा दाखल केला आहे. पोलीस मृतदेहाची ओळख पटवण्याचा प्रयत्न करत आहे.