Stampede in Odisha : मकर संक्रातीच्या मेळाव्यात चेंगराचेंगरी; २ जण ठार, लहान मुलांसहित १२ जखमी

Stampede in Odisha : ओडिशातून चेंगराचेंगरीचं वृत्त हाती आलं आहे. ओडिशाच्या कटकमध्ये मकर संक्रातीच्या मेळाव्यादरम्यान बदांबा-गोपीनाथपूर टी-ब्रिजवर चेंगराचेंगरीची घटना घडली आहे. या घटनेत २ जणांचा मृत्यू झाला आहे. तर १२ जण जखमी झाले आहेत. (Latest Marathi News)

मिळालेल्या माहितीनुसार, ओडिशाच्या मकरसक्रांतीच्या मेळाव्याला २ लाखांहून अधिक लोक जमले होते. मकर संक्रातीच्या मेळाव्यात ही चेंगराचेंगरीची घटना घडली आहे. या दुर्घटनेत २ जणांचा मृत्यू झाल्याची माहिती समोर आली आहे. तर लहान मुलांसहित १२ हून अधिक जण जखमी झाले आहेत. घटनेमुळे परिसरात एकच खळबळ उडाली आहे.

प्राथमिक माहितीनुसार, ओडिशाच्या कटक येथील बदांबा-गोपीनाथपूर टी-ब्रिजवर मकर संक्रातीच्या मेळाव्याचे आयोजन करण्यात आले होते. या मेळाव्यात अचानक चेंगराचेंगरी झाली. या दुर्घटनेतील जखमींचा आकडा वाढण्याची शक्यता आहे. चेंगराचेंगरी नेमकी कशामुळे झाली, याबाबत ठोस माहिती अद्याप समोर आली नाही.