मतदार याद्यांच्या विशेष सखोल पुनरावलोकनाची (SIR) प्रक्रिया राबवण्याचा निर्णय अवैध घोषित करावा, अशी मागणी सर्वोच्च न्यायालयात दाखल करण्यात आलेल्या याचिकेत करण्यात आली आहे.
या याचिकेत भारतीय निवडणूक आयोगाने SIR प्रक्रियेद्वारे आपल्या अधिकारांचा गैरवापर केल्याचा आरोप करण्यात आला आहे. तसेच, या प्रक्रियेच्या कायदेशीर वैधतेचा विचार करून SIR राबवण्याच्या निर्णयाची घटनात्मकता तपासण्याची मागणीही याचिकाकर्त्यांनी केली आहे.
काँग्रेस नेते राहुल गांधी आणि पक्षाध्यक्ष मल्लिकार्जुन खरगे सर्वोच्च न्यायालयातून बाहेर पडले आहेत. दोन्ही नेते सर्वोच्च न्यायालयाच्या परिसरातून रवाना झाले.
INDIA ब्लॉकच्या निषेध मोर्चादरम्यान पश्चिम बंगालच्या माजी मुख्यमंत्री ममता बॅनर्जी यांनी न्यायाची मागणी केली. “आम्ही मानवतेच्या दृष्टीने न्यायाची मागणी करत आहोत. आम्हाला फक्त न्याय हवा आहे,” असे ममता बॅनर्जी यांनी म्हटले.
INDIA ब्लॉकच्या आंदोलनावर केंद्रीय मंत्री किरेन रिजिजू यांनी टीका केली आहे. त्यांनी सोशल मीडिया प्लॅटफॉर्म ‘एक्स’वर पोस्ट करत काँग्रेसच्या भूमिकेवर प्रश्नचिन्ह उपस्थित केले.
“निषेध करणे हा प्रत्येक नागरिकाचा अधिकार आहे; मात्र घटनात्मक पदांवरील व्यक्तींचा उघडपणे गैरवापर करणे निंदनीय आहे. काँग्रेस पक्ष आता दिशाहीन झाला आहे,” असे रिजिजू यांनी म्हटले.
तसेच, काँग्रेसकडे वर्षातील २०० दिवस सुट्ट्यांमध्ये घालवण्यात रस नसलेला, समजूतदार आणि समर्पित नेता असेल, तर पक्ष आपली सदस्यसंख्या वाढवू शकतो, असा टोला त्यांनी लगावला.
सर्वोच्च न्यायालयात दाखल करण्यात आलेल्या जनहित याचिकेत (PIL) आठ याचिकाकर्त्यांच्या नावांचा समावेश आहे. यामध्ये लोकसभेतील विरोधी पक्षनेते राहुल गांधी, काँग्रेसचे अध्यक्ष मल्लिकार्जुन खरगे, सौगत रॉय, समाजवादी पक्षाचे प्रमुख अखिलेश यादव, तेजस्वी प्रसाद यादव, शिवसेना (ठाकरे गटाचे) खासदार संजय राऊत, एम. ए. बेबी आणि डी. राजा यांचा समावेश आहे.
मुख्य निवडणूक आयुक्त ज्ञानेश कुमार यांच्याविरोधात दिल्लीत INDIA ब्लॉकच्या नेत्यांकडून आंदोलन करण्यात येत आहे. या आंदोलनात राष्ट्रीय जनता दलाचे नेते तेजस्वी यादव, समाजवादी पक्षाचे प्रमुख अखिलेश यादव आणि तेलंगणाचे मुख्यमंत्री रेवंत रेड्डी यांच्यासह विविध पक्षांचे नेते सहभागी झाले आहेत.
निवडणूक आयोगाशी संबंधित मुद्द्यांवरून सुरू असलेल्या या आंदोलनाकडे राजकीय वर्तुळाचे लक्ष लागले आहे.
लोकसभेतील विरोधी पक्षनेते राहुल गांधी यांनी दाखल केलेली याचिका सर्वोच्च न्यायालयाच्या अधिकृत वेबसाइटवर नोंदवण्यात आलीये. त्यामुळे दिल्लीतील आंदोलन आणि निवडणूक आयोगाशी संबंधित कथित अनियमिततेच्या मुद्द्यावर दाखल करण्यात आलेल्या याचिकेच्या पुढील प्रक्रियेकडे लक्ष लागले आहे.
लोकसभेतील विरोधी पक्षनेते राहुल गांधी यांच्या कायदेशीर पथकाने सर्वोच्च न्यायालयाच्या रजिस्ट्रीमध्ये धाव घेतली आहे. दिल्लीतील सुरू असलेले आंदोलन आणि निवडणूक आयोगातील कथित अनियमिततेशी संबंधित मुद्द्यांवर वैयक्तिकरीत्या याचिका दाखल करण्यासाठी पथकाने अतिरिक्त वेळ देण्याची मागणी केली आहे.
सर्वोच्च न्यायालयाच्या रजिस्ट्रीमध्ये याचिका दाखल करण्याची नियमित वेळ सायंकाळी ४.३० वाजेपर्यंत असते. मात्र, ही मुदत संपल्यानंतरही याचिका दाखल करण्यासाठी वेळ द्यावा, अशी विनंती राहुल गांधी यांच्या कायदेशीर पथकाने केली आहे.
दरम्यान, अशा प्रकरणांमध्ये सर्वोच्च न्यायालयाच्या २४ तास उपलब्ध असलेल्या ई-फायलिंग सुविधेचाही वापर करता येतो.
राहुल गांधी यांच्यासह INDIA ब्लॉकचे आठ नेते सर्वोच्च न्यायालयाच्या दिशेने पायी रवाना झाले आहेत. सर्वोच्च न्यायालयात पोहोचल्यानंतर हे नेते वैयक्तिकरीत्या याचिका दाखल करणार असल्याची माहिती आहे.
समाजवादी पक्षाचे प्रमुख अखिलेश यादव भगवान दास रोड येथे सुरू असलेल्या आंदोलनात सहभागी झाले. यावेळी त्यांनी विरोधकांचा संघर्ष सुरूच राहणार असल्याचे स्पष्ट केले. भाजपने विरोधकांची भूमिका स्वीकारली पाहिजे, असेही ते म्हणाले.
मुख्य निवडणूक आयुक्त ज्ञानेश कुमार यांनी राजीनामा द्यावा, अशी मागणी अखिलेश यादव यांनी यावेळी केली.
INDIA आघाडीच्या मोर्चादरम्यान काँग्रेसचे खासदार अमरिंदर सिंह राजा वडिंग यांनी भारताच्या सरन्यायाधीशांना भेटीचे आवाहन केले आहे. “भारताचे सरन्यायाधीश आमची भेट घेणार नसतील, तर जनतेच्या तक्रारी कोण ऐकणार? आम्ही सरन्यायाधीशांना विनंती करतो की त्यांनी आमची भेट घ्यावी,” असे वडिंग यांनी म्हटले.
INDIA आघाडीच्या सर्वोच्च न्यायालयाकडे जाण्याच्या पार्श्वभूमीवर काँग्रेसचे खासदार आणि ज्येष्ठ विधिज्ञ अभिषेक मनु सिंघवी यांनी आपली भूमिका स्पष्ट केली आहे. “ही अतिशय साधी बाब आहे. हा कोणताही निषेध मोर्चा नाही, तर आम्ही तत्त्वांच्या आधारावर पुढे जात आहोत. विविध राजकीय पक्षांनी एकत्र येऊन सर्वोच्च न्यायालयात याचिका दाखल करावी,” असे सिंघवी यांनी म्हटले.
INDIA आघाडीच्या निषेध मोर्चादरम्यान काँग्रेसच्या खासदार वर्षा गायकवाड यांनी संविधान आणि लोकशाहीच्या रक्षणासाठी पुन्हा एकदा रस्त्यावर उतरल्याचे म्हटले. संविधान आणि लोकशाहीचे संरक्षण करण्यासाठी आम्ही पुन्हा एकदा निघालो असून, सर्वोच्च न्यायालयाच्या दिशेने कूच करत आहोत, असे त्या म्हणाल्या.
मुख्य निवडणूक आयुक्त (सीईसी) ज्ञानेश कुमार यांच्या विरोधात मोर्चासाठी इंडिया ब्लॉकच्या खासदारांना घेऊन जाणाऱ्या बसेस कॉन्स्टिट्यूशन क्लबमधून सर्वोच्च न्यायालयाकडे निघाल्या. कॉन्स्टिट्यूशन क्लबबाहेर मोठा पोलीस बंदोबस्त तैनात करण्यात आला होता, जिथे विरोधी पक्षांचे कार्यकर्तेही जमले होते.
खासदारांनी मोदी आणि अमित शाह यांच्याविरोधात जोरदार घोषणाबाजी केली.
ज्ञानेश कुमार यांच्याविरोधात इंडिया आघाडीच्या मोर्चाला सुरूवात झाली आहे. सुप्रीम कोर्टापर्यंत मोर्चा काढला जाणार आहे. त्यानंतर सर्वोच्च न्यायालयात याचिका दाखल केली जाणार आहे.
आदित्य ठाकरे यांच्यासह माझ्यावर गुन्हा दाखल केला असं कळलं आहे. परवा आंदोलन केलं, काल आंदोलन केलं म्हणून गुन्हा दाखल केला. आमचा दोष काय? कोट्यावधी मतदारांची नाव डिलीट केली त्यांच्यासाठी आवाज उठवतोय म्हणून? तुम्ही कितीही गुन्हे दाखल करा आम्ही आवाज उठवणार, लोकशाही वाचवण्यासाठी आवाज उठवण हा गुन्हा आहे? जर असे गुन्हे वाटत असतील तर कितीही गुन्हे दाखल करावे आजही आंदोलनात सहभागी होणार आहे.वरून सरदेसाई, आमदार ठाकरेंची सेना
दिल्लीमध्ये आंदोलने आणि निदर्शनांच्या ठिकाणांबाबत एक मोठा बदल करण्यात आला आहे. आता जंतरमंतर हे आंदोलनाचे ठिकाण राहणार नाही आणि तिथे आंदोलने करता येणार नाहीत. गृह मंत्रालयाच्या एका समितीच्या शिफारशींनुसार, जंतरमंतरला आंदोलनाचे ठिकाण म्हणून निश्चित करणारी अधिसूचना रद्द करण्यात आली आहे. याऐवजी आता दिल्लीत आंदोलने आणि निदर्शनांसाठी तीन नवीन ठिकाणे निश्चित करण्यात आली आहेत, ज्यामध्ये रामलीला मैदान, बुरारी मैदान आणि पूर्व दिल्लीतील सीबीडी ग्राउंडचा समावेश आहे. या तीन ठिकाणी आंदोलने आयोजित करण्यासाठी तपशीलवार आणि सुधारित एसओपी (प्रमाणित कार्यपद्धती) स्वतंत्रपणे जारी केली जाणार आहे. हा नवीन आदेश दिल्ली पोलिसांच्या पूर्वीच्या २८ एप्रिल २०२२ मधील स्थायी आदेशामध्ये आंशिक सुधारणा करून लागू करण्यात आला आहे.
काँग्रेस अध्यक्ष मल्लिकार्जुन खरगे आणि विरोधी पक्षनेते राहुल गांधी यांनी पाठवलेल्या पत्राला सरन्यायाधीश सूर्य कांत यांनी सविस्तर उत्तर दिले आहे. तुम्ही मांडत असलेला विषय आधीच न्यायप्रविष्ट असल्यामुळे याच मुद्द्यावर बैठक बोलावणे संविधानाच्या मूलभूत ढाच्याच्या विरोधात ठरेल, असे सरन्यायाधीशांनी स्पष्ट केले आहे.
या मागण्यांवर कारवाई करण्याचे कोणतेही प्रशासकीय अधिकार न्यायालयाला नाहीत, असे त्यांनी सांगितले. नागरिकांच्या मूलभूत हक्कांचे संरक्षण करणे आमची जबाबदारी आहे. प्रशासकीय पातळीवर निवेदन देण्याऐवजी न्यायालयीन अधिकारांचा वापर करावा, असे त्यांनी सुचवले आहे. दरम्यान सोमवारी सकाळी १०:३० ते ४:३० या वेळेत सुप्रीम कोर्टात याचिका दाखल केल्यास त्यावर तातडीने सुनावणी घेतली जाईल, असेही सरन्यायाधीशांनी स्पष्ट केले आहे.
जवाहरलाल नेहरू विद्यापीठातील (JNU) महिला विद्यार्थ्यांच्या लैंगिक शोषणाच्या आरोपांमुळे वादात सापडलेले इनर मणिपूरचे काँग्रेस खासदार अंगोमचा बिमोल अकोइजम यांच्यावर कडक कारवाई करण्यात यावी, या मागणीसाठी भाजप महिला मोर्चा आणि कार्यकर्त्यांनी आक्रमक पवित्रा घेतला आहे. या पार्श्वभूमीवर भाजप महिलांनी थेट काँग्रेस पक्षाच्या मुख्यालयापर्यंत मोर्चा काढत जोरदार विरोध प्रदर्शन केले आणि काँग्रेस नेतृत्वाविरोधात तीव्र संताप व्यक्त केला.
भाजपचे खासदार डॉ. अनिल बोंडे यांनी काँग्रेस आणि इंडिया आघाडीवर वादग्रस्त टीका केलीय. १९४७ पासून काँग्रेस आणि त्यांच्या पूर्वजांनी या देशाला लुटले आहे, असा आरोप खासदार बोंडे यांनी केलाय.
कोणतेही समांतर विरोध प्रदर्शन होत नाहीये; फक्त एकच विरोध आहे - ज्ञानेश कुमार यांना हटवणे, आणि त्यानंतर पंतप्रधान आणि अमित शाह यांना हटवणे; आम्ही थांबणार नाही असे राहुल गांधी म्हणाले.
भाजपचे प्रदेश अध्यक्ष हर्ष मल्होत्रा यांनी म्हटले, आज दिल्लीतील महिला राहुल गांधींना विचारण्यासाठी आल्या आहेत की, मणिपूरचे त्यांचे खासदार, जे जेयूयू (JNU) मध्ये प्राध्यापक होते, त्यांच्यावर तेथील ११ मुलींनी लैंगिक उत्पीडनाचा आरोप केला आहे. तिथे एका समितीने तो आरोप सिद्धही केला आणि त्यांना जेएनयूमधून बाहेर काढले. महिला आज हे विचारत आहेत की, दिल्लीत महिलांचा काँग्रेसच्या हातून अपमान होत असताना काँग्रेस पक्ष यावर गप्प का बसला आहे?
काँग्रेस अध्यक्षांनी आणि मी सरन्यायाधीशांना पत्र लिहून लोकशाहीची हत्या आणि निवडणुकीच्या निष्पक्षतेबद्दल आमची गांभीर्याने चिंता व्यक्त केली होती. सरन्यायाधीशांनी आम्हाला उत्तर दिले आणि याचिका दाखल करण्याचे निर्देश दिले... आज, 'इंडिया' आघाडीचे नेते आणि मी एकत्र येऊन सुप्रीम कोर्टात जाऊ आणि ही याचिका दाखल करूराहुल गांधी, लोकसभा विरोधी पक्षनेते
मुख्य निवडणूक आयुक्त ज्ञानेश कुमार यांच्याविरोधात 'इंडिया' आघाडीच्या विरोध मार्चवर महाराष्ट्राचे मुख्यमंत्री देवेंद्र फडणवीस यांनी तीव्र आक्षेप घेतला आहे. सुप्रीम कोर्टावर मोर्चा नेऊन सरन्यायाधीशांनी भेटावे, असे विरोधी पक्षनेते कसे म्हणू शकतात, याचे मला आश्चर्य वाटते, असे फडणवीस म्हणाले. तुम्ही संविधानाची भाषा करता, पण हे कोणत्या संविधानात लिहिले आहे? असा सवाल त्यांनी उपस्थित केला. सुप्रीम कोर्टाने जी भूमिका घेतली आहे, ती अगदी योग्य असल्याचे समर्थन करत, विरोधकांची जर काही तक्रार असेल तर त्यांनी न्यायालयात यावे आणि तिथे लढावे, असे ते म्हणाले. या लोकांचा संविधानावर अजिबात विश्वास नसून हे सर्व संविधान विरोधी लोक आहेत, अशी घणाघाती टीकाही देवेंद्र फडणवीस यांनी केली.
मोर्चा आधी राहुल गांधी यांनी पत्रकार परिषद घेतली. यावेळी त्यांनी मोदी सरकार आणि आरएसएसवर गंभीर आरोप केले. आरएसएस आणि भाजपचे लोक आंदोलकांना मारहाण करत असल्याचा दावा त्यांनी केला. ज्ञानेश कुमार राजीनामा का देत नाहीत? असा सवालही त्यांनी यावेळी उपस्थित केला आहे.
दुपारी १:०० वाजता: राहुल गांधी थेट संसद भवन या ठिकाणी पोहोचणार आहेत.
दुपारी २:०० वाजता: संसद परिसरात सर्व खासदार आणि नेत्यांची महत्त्वाची बैठक पार पडणार आहे.
दुपारी ३:०० वाजता: बैठकीनंतर सर्व खासदार संसद परिसरातून बसने 'बाराखांबा' या ठिकाणाकडे रवाना होणार आहेत.
मोर्चा आणि निदर्शने: बाराखांबा येथून सर्व कार्यकर्ते, खासदार आणि आमदार एकत्र येऊन सर्वोच्च न्यायालयाच्या दिशेने चालत मोर्चा काढणार आहेत.
महत्त्वाचा संदेश: या संपूर्ण आंदोलनादरम्यान आणि पत्रकार परिषदेमध्ये राहुल गांधी कार्यकर्त्यांना कोणता महत्त्वाचा संदेश देणार, याकडे संपूर्ण देशाचे लक्ष लागले आहे.
लोकशाहीमध्ये राजकीय आंदोलने आणि निदर्शने सुरूच राहू शकतात, परंतु सर्वोच्च न्यायालयाला त्यामध्ये ओढले जाऊ नये, अशी सक्त भूमिका सरन्यायाधीश सूर्यकांत यांनी मांडली आहे. कायद्यानुसार ज्या निश्चित जागा आंदोलनासाठी उपलब्ध करून दिल्या आहेत, तिथेच आंदोलने केली पाहिजेत, यावर त्यांनी भर दिला आहे. तसेच, सर्व लोकशाही प्रक्रिया कायद्याच्या चौकटीतच पार पडल्या पाहिजेत आणि कोणत्याही कारणास्तव सर्वोच्च न्यायालयाच्या कामकाजात व्यत्यय आणला जाऊ नये, असे स्पष्ट मत त्यांनी यावेळी व्यक्त केले आहे.
आम्ही स्वातंत्र्याची दुसरी लढाई लढत आहोत. ही लढाई देशाचे संविधान वाचण्यासाठी आहे. त्यामुळे ज्ञानेश कुमार यांचा राजीनामा घेतला जात नाही तोपर्यंत माघार नाही.नसीम खान
सध्याच्या विविध मुद्द्यांवर आक्रमक भूमिका घेत 'इंडिया' आघाडीच्या वतीने आज दुपारी १:३० वाजता सर्वोच्च न्यायालयाच्या दिशेने एक मोठा मोर्चा काढण्यात येणार आहे. मंडी हाऊसजवळील बाराखंबा रोडवरून या मोर्चाला सुरुवात होणार आहे. यात काँग्रेस पक्षाचे सर्व आमदार, खासदार आणि प्रमुख पदाधिकारी एकत्र येऊन जोरदार शक्तीप्रदर्शन करणार आहेत. प्रशासनाने या परिसरात मोठा पोलीस बंदोबस्त तैनात केला असून, या आंदोलनामुळे दिल्लीतील राजकीय वातावरण चांगलेच तापले आहे.
सर्वोच्च न्यायालयावर काढण्यात येणाऱ्या मोर्चाच्या पार्श्वभूमीवर काँग्रेस नेते राहुल गांधी आणि पक्षाध्यक्ष मल्लिकार्जुन खर्गे यांना सरन्यायाधीशांनी भेट नाकारल्यानंतर काँग्रेस आमदार हर्षवर्धन सपकाळ यांनी केंद्र सरकारवर जोरदार हल्लाबोल केला आहे.
पत्रकारांशी बोलताना हर्षवर्धन सपकाळ म्हणाले की, "सरन्यायाधीशांनी आधी भेटीची परवानगी दिली होती, परंतु नंतर ही परवानगी अचानक नाकारण्यात आली. आधी परवानगी देणे आणि ऐनवेळी ती नाकारणे, या राजकीय घडामोडींचा नेमका अर्थ काय? हा मोठा प्रश्न आहे."
निवडणूक आयोगाच्या समर्थनार्थ उतरलेल्या 124 आयएएस, आयएफएस व इतर अधिकाऱ्यांचा दिला दाखला
याच अधिकाऱ्यांनी अनेक दशके निवडणूक चालवल्या
अस्वच्छ मतदार यादी म्हणजे मतदारांची फसवणूक
प्रक्रियेचा आदर म्हणजे लोकशाहीवरील खरा विश्वास
दिल्लीत आज इंडिया आघाडीच्या आंदोलनासाठी महाराष्ट्रातून काँग्रेसचे जवळपास 100 मोठे नेते दिल्लीत दाखल झालेय. यामध्ये हर्षवर्धन सपकाळ, विजय वडेट्टीवार आणि बाळासाहेब थोरात यांसारख्या प्रमुख नेत्यांचा समावेशये. ज्ञानेश कुमारांविरोधात काढण्यात येणाऱ्या या आंदोलनामध्ये सहभागी होण्यासाठी राज्यातील काँग्रेस नेते मोठ्या संख्येने दिल्ली दाखल झालेय..
दिल्लीतील सुप्रीम कोर्टाकडे निघणाऱ्या मोर्चाच्या पार्श्वभूमीवर मेट्रो स्टेशनच्या प्रवेश आणि बाहेर पडण्याच्या मार्गांवर निर्बंध.
आज, १२ ऑक्टोबर रोजी सकाळी ६ ते दुपारी ४ वाजेपर्यंत सहा मेट्रो स्टेशनचे प्रवेश आणि बाहेर पडण्याचे मार्ग बंद.
बंद असलेली मेट्रो स्टेशन : १. पटेल चौक
२. जनपथ
३. राजीव चौक
४. मंडी हाऊस
५. सेंट्रल सेक्रेटरिएट
६. बाराखंबा रोड
या सहाही स्टेशनवर मेट्रो बदलण्याची सुविधा सुरू राहणार.
काँग्रेससह विरोधी पक्षांचा सुप्रीम कोर्टाकडे मोर्चा काढण्याचा कार्यक्रम.
मुख्य निवडणूक आयुक्त ज्ञानेश कुमार यांच्या राजीनाम्याची मागणी आणि मतदार यादीतील अनियमिततेचा मुद्दा उपस्थित केला जाणार.
सुरक्षेच्या कारणास्तव मेट्रो प्रशासनाचा निर्णय; परिस्थितीचा आढावा घेऊन पुढील सूचना दिल्या जाणार.
दिल्लीतील अनेक प्रमुख रस्त्यांवर वाहतूक कोंडी आणि मार्गबदल होण्याची शक्यता.
'इंडिया' आघाडीच्या सर्वोच्च न्यायालयावरील मोर्चाच्या पार्श्वभूमीवर मंडी हाऊसजवळ असलेल्या बाराखंबा रोडवर मोठा पोलीस बंदोबस्त तैनात करण्यात आला आहे. कायदा व सुव्यवस्था राखण्यासाठी दिल्ली पोलिसांसोबतच आरएएफ आणि सीआरपीएफच्या (CRPF) तुकड्याही तैनात करण्यात आल्या आहेत.
दिल्ली शीख गुरुद्वारा व्यवस्थापन समितीच्या (DSGMC) तक्रारीवरून दिल्ली पोलिसांनी आम आदमी पक्षाचे (AAP) राष्ट्रीय संयोजक अरविंद केजरीवाल आणि इतर आमदार व नेत्यांव्यतिरिक्त इतरांवर एफआयआर (FIR) दाखल केली आहे.
या तक्रारीत असा आरोप करण्यात आला आहे की, गुरुद्वारा बंगला साहिबच्या परिसरात गोंधळ घालण्यात आला आणि त्यानंतर सोशल मीडियावर दिशाभूल करणारे व्हिडिओ व पोस्ट पसरवण्यात आल्या. या प्रकरणी पोलिसांनी दिलेल्या माहितीनुसार, तक्रारीसोबत सादर केलेल्या व्हिडिओ फुटेजची तपासणी केली जात असून त्या आधारे पुढील कायदेशीर कारवाई केली जात आहे.
देशभरातील काँग्रेसचे आजी-माजी आमदार दिल्लीमध्ये दाखल झाले आहेत. माजी आमदार दिप्ती चौधरी दिल्लीमध्ये दाखल झाल्या आहेत. ज्ञानेश कुमार यांचा राजीनामा झाला पाहिजे यासाठी आम्ही राहुलजींचा आवाज बनत आहोत. यापेक्षाही मोठं आंदोलन देशभरात उभं राहील अशी प्रतिक्रिया त्यांनी दिली.
जननेते राहुल गांधी यांच्या नेतृत्वाखाली देशातील लोकशाही आणि संविधानाच्या रक्षणासाठी आम्ही त्यांच्या पाठीशी ठामपणे उभे आहोत. देशात मतचोरी झाल्याचे गंभीर आरोप आणि निवडणूक प्रक्रियेतील पारदर्शकतेचा प्रश्न यावर आमची मागणी स्पष्ट आहे, मुख्य निवडणूक आयुक्त ज्ञानेश कुमार यांनी राजीनामा द्यावा आणि लोकशाहीचे रक्षण सुनिश्चित करावे.अतुल लोंढे
मुख्य निवडणूक आयुक्त (CEC) ज्ञानेश कुमार यांच्या विरोधात राष्ट्रीय स्तरावर वाढत्या विरोधामधून आता केरळमधून एक मोठी राजकीय घडामोड समोर आली आहे. केरळचे मुख्यमंत्री व्ही. डी. सतीशन सोमवारी विधानसभेत मुख्य निवडणूक आयुक्तांना त्यांच्या पदावरून हटवण्याची मागणी करणारा एक विशेष प्रस्ताव मांडणार आहेत.
दरम्यान इंडिया आघाडीच्या मोर्चाच्या पार्श्वभूमीवर सुरक्षेच्या कारणास्तव दिल्लीतील 6 मेट्रो स्टेश बंद करण्यात येणारये. सकाळी 6 ते दुपारी 4 वाजेपर्यंत पूर्णपणे बंद ठेवण्यात आले असून, प्रवाशांची गैरसोय होऊ नये म्हणून संबंधित स्थानकांवर इंटरचेंज सुविधा मात्र सुरळीत सुरू राहणारये. सुरक्षा यंत्रणांकडून दुपारी परिस्थितीचा आढावा घेतला जाणार असून, त्यानंतर पुढील निर्णय जाहीर केला जाणारये...दरम्यान ग्राफिक्सच्या माध्यमातून पाहुया कोणती मेट्रो स्टेशन बंद आहे...
काँग्रेस आणि 'इंडिया' आघाडीच्या सर्वोच्च न्यायालयावर निघणाऱ्या महामोर्चाच्या पार्श्वभूमीवर सुरक्षेचा उपाय म्हणून दिल्लीत कडक निर्बंध लादण्यात आले आहेत. दिल्ली मेट्रो रेल कॉर्पोरेशनने (DMRC) कायदा व सुव्यवस्थेची स्थिती पाहता मध्य दिल्लीतील प्रमुख ६ मेट्रो स्थानकांची प्रवेश आणि बाहेर पडण्याची (Entry-Exit) दारे दुपारी ४ वाजेपर्यंत पूर्णपणे बंद ठेवण्याचा निर्णय घेतला आहे. याशिवाय, आंदोलनामुळे अनेक महत्त्वाच्या मार्गांवरील वाहतूक वळवण्यात आल्याने दिल्ली वाहतूक पोलिसांकडून ट्रॅफिक ॲडव्हायजरी जारी करण्यात आली आहे. या अचानक लादलेल्या निर्बंधांमुळे नागरिक आणि प्रवाशांचे मोठे हाल होत आहेत.
इंडिया आघाडी आज दिल्लीत मुख्य निवडणूक आयुक्त ज्ञानेश कुमारांच्या विरोधात मोठं आंदोलन करणारये. इंडिय़ा आघाडी सर्वोच्च न्यायालयापर्यंत मोर्चा काढला जाणार असून यासाठी काँग्रेसच्या सर्व आमदार खासदारांना एकत्र जमण्याचे आदेश देण्यात आलेय... मतचोरी थांबवावी, SIRवर बंदी घालावी अशा मागण्याचं निवेदन काँग्रेस सरन्यायाधीशांना देणार आहे...
राहुल गांधी यांच्या नेतृत्वातील इंडिया आघाडीच्या शिष्टमंडळाला सरन्यायाधीश यांनी भेटीची परवानगी नाकारली
तुमच्या विषया च्या अनुशंगाने याचिका दाखल केल्यास त्यावरून सुनावणी घेऊ
सरन्यायाधीश यांनी केल स्पष्ट
मतदारयाद्यांमधील कथित अनियमितता, 'व्होट चोरी'चे आरोप आणि मुख्य निवडणूक आयुक्त (CEC) ज्ञानेश कुमार यांच्या राजीनाम्याच्या मागणीसाठी देशाची राजधानी दिल्ली ढवळून निघाली आहे. काँग्रेस नेते राहुल गांधी आणि काँग्रेस अध्यक्ष मल्लिकार्जुन खर्गे यांच्या नेतृत्वात 'इंडिया' आघाडीचा (INDIA Alliance) महामोर्चा काढला जाणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.