दिल्लीच्या लाल किल्ल्याजवळील मेट्रो स्टेशनच्या गेट क्रमांक १ जवळ भीषण स्फोट झाला. हा स्फोट घडल्यानंतर संपूर्ण देशात खळबळ उडाली. या घटनेचा तपास विविध एजन्सींकडून सुरू आहे. या घटनेचे नवनवीन सीसीटीव्ही फुटेज समोर येत आहेत. या व्हिडिओतून स्फोटाची तीव्रता स्पष्ट होते. या स्फोटाची तीव्रता जास्त होती. स्फोटाचा धक्का जमिनीपासून ४० फूट खोल जाणवले. याचा आणखी एक सीसीटीव्ही समोर आला आहे. यातून स्फोटाची तीव्रता दिसून येते.

सीसीटीव्ही फुटेजमध्ये स्पष्टपणे दिसून येते की, स्फोटानंतर लगेचच संपूर्ण भूमिगत स्टेशनचा मजला, दुकानांचे शटर आणि अगदी फूड कॉर्नरच्या शेल्फ्सही जोरदार हादरल्या. लोकांनी घाबरून पळ काढला. तपासकर्त्यांनी सांगितले की, स्फोट दिल्ली मेट्रो लाइनच्या अगदी वर झाला होता. यामुळे रस्ते खराब झाले. याचा थेट फटका मेट्रोच्या पायाभूत सुविधांना बसला असता.

सोमवारी लाल किल्ल्याजवळ पांढऱ्या रंगाची हुंडई आय२० चारचाकीत स्फोट झाला. यात १३ जणांचा मृत्यू झाला. सध्या या प्रकरणाचा अधिक तपास सुरू आहे. तपासात असे दिसून आले की, आरोपींनी आईडीसाठी तीन कार तयार केल्या होत्या. एक पांढऱ्या रंगाची हुंडई आय२०, दुसरी फोर्ड (फरिदाबादमध्ये सापडली), सध्या तिसऱ्या कारचा शोध सुरू आहे.