Petrol Diesel Price : जागतिक बाजारात कच्च्या तेलाच्या किमती सलग दुसऱ्या दिवशी प्रति बॅरल 2 डॉलरने वाढ झाली आहे. दरम्यान, गुरुवारी सकाळी सरकारी तेल कंपन्यांनीही पेट्रोल (Petrol) आणि डिझेलचे (Diesel) किरकोळ दर जाहीर केले आहेत. आज, बहुतेक शहरांमध्ये किरकोळ दरात कोणताही बदल झालेला नाही. दिल्ली-मुंबईसारख्या देशातील चारही महानगरांमध्ये आजही तेल कंपन्यांनी पेट्रोल आणि डिझेलचे दर स्थिर ठेवले आहेत.

सरकारी तेल कंपन्यांच्या म्हणण्यानुसार, आज सकाळी गौतम बुद्ध नगर जिल्ह्यात (नोएडा-ग्रेटर नोएडा) पेट्रोल 27 पैशांनी स्वस्त झाले असून 96.65 रुपये प्रति लिटर इतके झाले आहे आणि डिझेल 26 पैशांनी स्वस्त झाले असून 89.82 रुपये प्रति लिटरने विकले जात आहे. मात्र, आज यूपीच्या इतर मोठ्या शहरांमध्ये पेट्रोल आणि डिझेलच्या दरात कोणताही बदल झालेला नाही. बिहारमध्येही इंधनाचे दर स्थिर आहेत.

चार महानगरांमध्ये पेट्रोल-डिझेलचे दर

– दिल्लीत पेट्रोल 96.72 रुपये आणि डिझेल 89.62 रुपये प्रति लिटर

– मुंबईत पेट्रोल 106.31 रुपये आणि डिझेल 94.27 रुपये प्रति लिटर

– चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर

– कोलकात्यात पेट्रोल 06.03 रुपये. डिझेल 92.76 रुपये प्रति लिटर

घरबसल्या जाणून घेऊ शकता पेट्रोल-डिझेलचे दर

तुम्ही आता घरबसल्या एसएमएसद्वारे पेट्रोल डिझेलचे दैनंदिन दर देखील जाणून घेऊ शकता. त्यासाठी तुम्हाला आपल्या मोबाईलमधून RSP आणि आपल्या शहरातील कोड टाकून 9224992249 या क्रमांकावर मॅसेज पाठवावा लागेल. BPCL ग्राहक RSP आणि त्यांचा शहर कोड 9223112222 या क्रमांकावर पाठवून माहिती मिळवू शकतात. HPCL ग्राहक HPP price आणि त्यांचा शहर कोड लिहून आणि 9222201122 या क्रमांकावर पाठवून किंमत जाणून घेऊ शकतात. 

Edited By - Shivani Tichkule