Madhya Pradesh Crime: गेल्या काही दिवसांपासून देशात हत्येच्या घटना वाढताना दिसत आहेत. प्रेम प्रकरणातून होणाऱ्या हत्या सर्वत्र चिंतेचा विषय ठरत आहेत. असाच धक्कादायक प्रकार मध्यप्रदेशमधून समोर आला आहे. ज्यामध्ये कुटूबीयांनी आपल्या मुलीसह तिच्या प्रियकराचा जीव घेतल्याचे उघडकीस आले आहे. या धक्कादायक प्रकाराने सर्वत्र एकच खळबळ उडाली आहे. (Crime News In Marathi)

याबाबत अधिक माहिती अशी की, मध्य प्रदेशात (Madhya Pradesh) एका १८ वर्षीय मुलीची आणि तिच्या २१ वर्षीय प्रियकराची गोळ्या झाडून हत्या करण्यात आली आहे. त्यांचे मृतदेह मोठ्या दगडांना बांधून मगरी असलेल्या नदीत फेकण्यात आले, अशी हादरवून टाकणारी बातमी समोर आली आहे.

मध्य प्रदेशातील मुरैना जिल्ह्यात हा सगळा प्रकार घडला आहे. समोर आलेल्या माहितीनुसार, शिवानी तोमर या मुलीचे बालुपूरा गावातील राधेश्यामसोबत प्रेमप्रकरण सुरू होते. मुलीच्या या प्रेमप्रकरणामुळे तिच्या घरचे चांगलेच संतापले होते. याच रागातून त्यांनी दोघांचीही हत्या करण्याचा निर्णय घेतला. (Latest Marathi News)

शिवानीच्या वडिलांनी गोळ्या झाडून आपल्या मुलीची आणि तिच्या प्रियकराची गोळ्या झाडून हत्या केली. हत्येनंतर दोघांचे मृतदेह मगरींनी भरलेल्या चंबळ नदीत फेकून दिले. राधेश्यामच्या वडिलांनी आपला मुलगा बेपत्ता असल्याची तक्रार दिली. ज्यानंतर पोलिसांनी दोन्ही कुटूंबाची तपासणी करताना या भयंकर हत्येची कबुली तोमर कुटूंबीयांनी दिली.

सुरूवातीला हे दोघेही पळून गेले असल्याची शक्यता वर्तवली जात होती. मात्र दोघांनाही पळून जाताना कोणी पाहिले नसल्याने राधेश्यामच्या वडिलांचा संशय बळावला. ज्यानंतर या हत्येचा उलघडा झाला. हत्येची कबुली दिल्यानंतर पोलिसांनी दोन्हीही मृतदेह ताब्यात घेतले आहेत. तसेच या घटनेचा अधिक तपास करत आहेत.