नवी दिल्ली: भारताच्या बायोलॉजिकल ई द्वारे निर्मित कॉर्बेवॅक्स (Corbevax) ही लस 12 ते 18 वर्षे वयोगटातील मुले आणि किशोरवयीन मुलांसाठी काही अटींसह आपत्कालीन वापरासाठी शिफारस केली आहे. ड्रग कंट्रोलर जनरल ऑफ इंडिया (DCGI) च्या विषय तज्ञ समितीने ही शिफारस केली आहे. सूत्रांनी दिलेल्या माहितीनुसार, DCGI च्या विषय तज्ञ समितीने 12 ते 18 वर्षे वयोगटातील मुले आणि किशोरवयीन मुलांसाठी आपत्कालीन वापरासाठी Corbevax ची शिफारस केली आहे.

15 वर्षांखालील मुलांच्या लसीकरणाबाबत (Vaccination) सरकारने अद्याप कुठलाही निर्णय घेतलेला नाही, असे सूत्रांनी सांगितले. निती आयोगाचे सदस्य वीके पॉल यांनी नुकत्याच झालेल्या पत्रकार परिषदेत सांगितले होते की, लसीकरणाची अतिरिक्त गरज आणि त्यासाठी अधिक लोकसंख्येचा नियमितपणे आढावा घेतला जात आहे.

ड्रग्ज कंट्रोलर जनरल ऑफ इंडिया (DCGI) ने 28 डिसेंबरला आपत्कालीन परिस्थितीसाठी कॉर्बेवॅक्सला मर्यादित आधारावर वापराची मान्यता दिली आहे. मात्र, देशातील लसीकरण मोहिमेत (Corona Vaccine Drive) या लसीचा समावेश करण्यात आलेला नाही.

CDSCO च्या COVID-19 वरील विषय तज्ञ समितीने अर्जावर चर्चा केली आणि 12 ते 18 वर्षांखालील वयोगटातील मुलांसाठी Corbevax चा वापराला काही अटींसह मंजुरी दिली जाऊ शकते अशी शक्यता वर्तवली आहे, अशी माहिती सूत्रांनी दिली. ही शिफारस अंतिम मंजुरीसाठी डीसीजीआयकडे पाठवण्यात आल्याचंही सांगण्यात येत आहे.

Edited By - Nupur Uppal