Sonia Gandhi Mother : काँग्रेसच्या (Congress) हंगामी अध्यक्षा सोनिया गांधी यांच्या आईचे निधन झाले आहे. काँग्रेसचे प्रभारी सरचिटणीस जयराम रमेश यांनी ट्विट करून ही माहिती दिली. सोनिया गांधी (Soniya Gandhi) यांच्या आई पाओला माइनो यांचे शनिवारी 27 ऑगस्ट 2022 रोजी इटलीतील त्यांच्या घरी निधन झाले. काल म्हणजेच 30 ऑगस्ट रोजी त्यांच्यावर अंत्यसंस्कार करण्यात आले. (Sonia Gandhi Mother Passes Away)

सोनिया गांधींच्या आई पाओला माईनो मागील काही दिवसांपासून आजारी होत्या. त्यामुळे गेल्या आठवड्यात सोनिया गांधी आपल्या आईला भेटण्यासाठी इटलीला गेल्या होत्या. हा दौरा वैद्यकीय तपासणीसाठी त्यांच्या विदेश दौऱ्याचा एक भाग होता, सोनिया यांच्यासोबत राहुल गांधी आणि प्रियांका गांधी वड्रा सुद्धा इटलीला गेले होते. सोनिया अजूनही विदेशातच आहेत. (Sonia Gandhi Today News)

दरम्यान, राहुल आणि प्रियंका अनेकदा त्यांच्या आजीला भेटायला जात होते. 2020 साली राहुल गांधींच्या वारंवारच्या परदेश दौऱ्यावर विरोधकांकडून टीका करण्यात येत होती, तेव्हा काँग्रेसकडून यावर प्रतिक्रिया देण्यात आली. राहुल गांधी इटलीला त्यांच्या आजारी आजीला भेटायला जात असल्याचं काँग्रेसकडून सांगण्यात आलं होतं.

Edited By - Satish Daud