एक मोठी राजकीय बातमी समोर आली आहे. खासदार राहुल गांधी हे लोकसभेतील विरोधी पक्षनेते असतील. अशी माहिती काँग्रेस पक्षाने दिली आहे. काँग्रेस पक्षाच्या वतीने महासचिव केसी वेणुगोपाल यांनी मंगळवारी ही घोषणा केली.
केसी वेणुगोपाल यांनी सांगितले की, राहुल गांधी यांचे नाव प्रोटेम स्पीकर महताब यांना पाठवण्यात आलं आहे. काँग्रेस अध्यक्ष मल्लिकार्जुन खरगे यांच्या घरी इंडिया आघाडीच्या नेत्यांची बैठक पार पडली. या बैठकीत एकमताने हा निर्णय घेण्यात आला.
याआधी काँग्रेस कार्यकारिणीच्या बैठकीत राहुल गांधी यांना लोकसभेतील विरोधी पक्षनेते बनवण्याची मागणी करण्यात आली होती. बैठकीत काँग्रेस कार्यकारिणीच्या सदस्यांनी राहुल गांधी यांची लोकसभेतील पक्षनेतेपदी नियुक्ती करावी, असा ठराव मंजूर केला होता.
लोकसभेतील विरोधी पक्षनेतेपदासाठी त्यांच्या नावाचा प्रस्ताव मंजूर झाल्यानंतर राहुल गांधी यांनी काँग्रेस कार्यकारिणीच्या सदस्यांना यावर विचार करण्यासाठी काही वेळ मागितला होता. त्यानंतर आज त्यांना त्यांची विरोधी पक्षनेतेपदी निवड करण्यात आली आहे.
दरम्यान, मंगळवारीही लोकसभेचे कामकाज चांगलेच गाजले. सोमवारप्रमाणेच मंगळवारीही प्रोटेम स्पीकर महताब यांनी नवनिर्वाचित खासदारांना शपथ दिली. मात्र आज 7 खासदारांना शपथ घेता आली नाही. त्यामुळे बुधवारी होणाऱ्या लोकसभा अध्यक्षपदाच्या निवडणुकीत ते भाग घेऊ शकणार नाहीत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.