सातारा : आसाम आणि मिझोरमच्या Assam Mizoram सीमावर्ती भागातील हिंसाचाराची जबाबदारी स्विकारुन केंद्रीय गृहमंत्री अमित शहा यांनी तात्काळ राजीनामा द्यावा अशी मागणी काॅंग्रेसचे ज्येष्ठ नेेते आमदार पृथ्वीराज चव्हाण यांनी केली आहे. (congress-leader-prithviraj-chavan-demands-resignation-of-home-minister-amit-shah-assam-mizoram-sml80)

सोमवारी आसाम पोलिस दलातील पोलिस अधिकारी व कर्मचाऱ्यांवर जोरदार दगडफेक व गोळीबार झाला. या घटनेत पोलिस अधिक्षक वैभव निंबाळकर (पुणे) Vaibhav Nimbalkar हे जखमी झाले तर त्यांचे दोन सुरक्षारक्षक पोलिसांसह काही पोलिसांचा मृत्यु झाला आहे. या घटनेचा आमदार पृथ्वीराज चव्हाण यांनी ट्विट करीत गृहमंत्री अमित शहा यांच्या राजीनाम्याची prithviraj chavan demands amit shah resignation मागणी केली आहे.

पृथ्वीराज चव्हाण यांनी ट्विटमध्ये आसाम आणि मिझोरमच्या assam mizoram सीमावर्ती भागात सातत्याने संघर्ष हाेत आहे. त्यातून हिंसाचार घडत आहे. पूर्वोत्तर भागामधील शांतता भंग हाेऊ लागली आहे. प्रथमच दोन्ही राज्यांच्या पोलिस दलांनी एकमेकांवर गोळीबार केला. त्यात काहींना गंभीर इजा झाली आहे. केंद्रीय गृहमंत्री अमित शाहांनी याची संपूर्ण जबाबदारी स्वीकारली पाहिजे आणि राजीनामा द्यावा अशी मागणी करण्यात आली आहे.

पंतप्रधानांनी तातडीने आंतरराज्य कौन्सिलची बैठक बोलावणे आवश्यक आहे असे आमदार चव्हाण यांनी नमूद केले आहे. या भागातील शांतता पूर्ववत करणे आवश्यक आहे. या चकमकीत जखमी झालेल्या आसाममधील पोलिस अधिक्षक वैभव निंबाळकर superintendent of police vaibhav nimbalkar injured in assam mizoram riots यांच्या आणि इतर पोलिस कर्मचारी लवकरात लवकर बरे व्हावेत यासाठी प्रार्थना करीत असल्याचे आमदार चव्हाण यांनी नमूद केले आहे.