Adhir Ranjan Chowdhury Parliament Suspension :

काँग्रेस खासदार अधीर रंजन चौधरी यांना मोठा दिलासा मिळाला आहे. संसदेच्या विशेषाधिकार समितीने काँग्रेस खासदार अधीर रंजन चौधरी यांचं निलंबन रद्द करण्याच्या प्रस्तावाला मंजुरी दिली आहे. अधीर रंजन चौधरी यांना पावसाळी अधिवेशनात निलंबित करण्यात आले होते. (Latest Marathi News)

आज काँग्रेस खासदार अधीर रंजन चौधरी यांनी विशेषाधिकार समितीसमोर त्यांनी त्यांची बाजू मांडली. भाजपचे खासदार सुनील सिंह यांच्या अध्यक्षतेखाली असलेल्या विशेषाधिकार समितीसमोर अधीर रंजन चौधरी यांनी कोणाच्याही भावना दुखावण्याच्या हेतू नव्हता, असे सांगितले .

वृत्त संस्था पीटीआयच्या वृत्तानुसार, संसदेतील विशेषाधिकार समितीने अधीर रंजन चौधरी यांचं निलंबन रद्द करण्याचा प्रस्तावाला मंजुरी दिली आहे.

अधीर रंजन चौधरी यांचं निलंबन का केलं होतं?

लोकसभेत अविश्वास प्रस्तावावर चर्चा झाली होती. चर्चेदरम्यान अधीर रंजन चौधरी यांनी पंतप्रधान नरेंद्र मोदी यांच्यावर वक्तव्य केलं. यामुळे अधीर रंजन चौधरी यांचं निलंबन करण्यात आलं होतं.

अधीर रंजन चौधरी यांच्या वक्तव्यानंतर सदर विशेषाधिकारी समितीपर्यंत पोहोचलं होतं. या प्रकरणावर समितीने १८ ऑगस्ट रोजी विचार केला होता. त्यानंतर यानंतर या समितीने अधीर रंजन चौधरी यांना तोंडी साक्ष देण्यासाठी ३० ऑगस्ट २०२३ रोजी बोलावलं होतं.

दरम्यान, याआधी देखील अधीर रंजन चौधरी यांचं निलंबन झालं होतं. अधीर रंजन चौधरी यांचे अनेकवेळा संसदेत त्यांच्या वक्तव्यामुळे त्यांना निलंबन व्हावं लागलं होतं. यावेळी लोकसभेत अंधीर रंजन चौधरी यांचं निलंबन करण्यात आलं होतं.

तर राज्यसभेत आम आदमी पक्षाचे संजय सिंह आणि राघव चढ्ढा यांना निलंबित करण्यात आले. तर संजय सिंह यांना संपूर्ण पावसाळी अधिवेशनासाठी निलंबित करण्यात आले होते.