कॉकरोच जनता पार्टी (CJP)च्या कार्यकर्त्यांनी जंतर-मंतरवरून संसदेकडे 'चलो संसद' मोर्चा काढला आहे. या आंदोलनात मोठ्या संख्येने विद्यार्थी आणि नागरिक सहभागी झाले.
संसदेच्या पावसाळी अधिवेशनाच्या पार्श्वभूमीवर दिल्ली पोलिसांनी संसद परिसर, जंतर-मंतर आणि महत्त्वाच्या मार्गांवर मोठा पोलीस बंदोबस्त तैनात केला. काही ठिकाणी बॅरिकेड्सही लावण्यात आले.
आंदोलनादरम्यान पोलिसांनी लाठीचार्ज आणि अश्रुधुराचा वापर केल्याचा आरोप CJP ने केला.
आंदोलनकर्त्यांनी नीट (NEET) परीक्षा पेपरफुटी प्रकरणावर केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी केली. तसेच शिक्षण व्यवस्थेत पारदर्शकता आणण्याचीही मागणी करण्यात आली आहे.
सामाजिक कार्यकर्ते सोनम वांगचुक यांच्या उपोषणाला पाठिंबा देण्यासाठी CJP चे अभिजीत दिपके यांच्या नेतृत्वाखाली हे आंदोलन अधिक तीव्र झाले.
CJP च्या प्रतिनिधींनी केंद्रीय मंत्री जे. पी. नड्डा यांची भेट घेतली. यावेळी CJP च्या सौरभ दास यांनी सरकारशी चर्चा करण्यात आली विद्यार्थ्यांचे मुद्दे मांडण्यात आले. पण, २ तास थांबवून १० मिनिटे चर्चा झाल्यांने आंदोलक आणखी संतप्त झाले आहेत.
संसद अधिवेशन सुरू असतानाच या आंदोलनामुळे राजधानीतील राजकीय वातावरण चांगलेच तापले आहे. शिक्षण व्यवस्था, परीक्षा घोटाळे आणि सरकारी उत्तरदायित्व या मुद्द्यांवर विरोधकांनीही सरकारवर दबाव वाढवला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.