Romance On Bike Chattisgrah Viral Video: सोशल मीडियावर चर्चेत येण्यासाठी सध्याची तरुणाई कधी काय करेल याचा काही नेम नाही. कधी बाईकवर स्टंटबाजी करत तर कधी रस्त्यावर डान्स करत हे तरुण चर्चेत येत असतात. मात्र अनेकदा असे स्टंट जीवावरही बेतू शकतात. सध्या अशाच एका तरुण तरुणीचा व्हिडिओ सोशल मीडियावर व्हायरल होत आहे. ज्यावर नेटकऱ्यांनी संताप व्यक्त केला आहे. (Latest Marathi News)

आजची तरुणी पिढी जीवाची पर्वा न करता अनेक धक्कादायक स्टंट करताना दिसून येतं आहे. स्वत:सोबतच इतरांचाही जीव हे लोक धोक्यात घालतात. सोशल मीडियामुळे प्रेम व्यक्त करण्याचा नवीनच ट्रेंड पाहिला मिळतं आहे.

या वर्षांची सुरुवात बाइकवर खुल्लम खुल्ला प्रेम करताना कपलचा व्हिडीओ व्हायरल झाला आणि मग काय बघता बघता असे अनेक व्हिडीओ (Viral Video) गेल्या काही दिवसांमध्ये समोर आले. पुन्हा एकदा असाच प्रकार समोर आला असून धावत्या स्कूटीवर रोमान्स करताना दिसत आहेत.

समोर आलेल्या माहितीनुसार हा व्हिडिओ बिलासपूरमधील आहे. ज्यामध्ये तरुण स्कूटी चालवत असताना त्याची गर्लफ्रेंड समोरच्या बाजूने त्याच्या मांडीवर बसली होती. तो गाडी चालवत होता आणि ती त्याला मिठी मारुन बसल्याचे दिसत आहे. अधून मधून ती त्याला किस करतानाही या व्हिडीओमध्ये दिसत आहे.

हा व्हिडीओ व्हायरल झाल्यानंतर बिलासपूर वाहतूक पोलिसांनी चांगलाच दणका दिला आहे. वाहतूक नियमाचं उल्लघंन आणि बेदरकारपणे गाडी चालवल्यामुळे तरुणाला 8800 रुपयांचा दंड ठोठावण्यात आला. तसेच तरुणाने कान पकडून पोलिसांची माफी मागितली आहे.

दरम्यान, हा व्हिडीओ ट्वीटवर Govinda Prajapati या अकाऊंटवर शेअर करण्यात आला आहे. अरे! कोई तो बताओ अब इस प्यार को क्या नाम दिया जाए? असं या व्हिडीओला कॅप्शन देण्यात आलं आहे. नेटकऱ्यांनीही या व्हिडिओवर प्रतिक्रिया देताना तरुण तरुणीला खडेबोल सुणावले आहेत. तसेच तुमच्यामुळे बाकीच्यांचा जीव का धोक्यात घालत आहात, असा सवालही उपस्थित केला आहे.