रश्मी पुराणिक, मुंबई

नवी दिल्ली: ओबीसींच्या राष्ट्रीय बैठकीसाठी राज्याचे अन्न व नागरी पुरवठा मंत्री छगन भुजबळ हे आज नवी दिल्लीत (New Delhi) दाखल झाले आहेत. दिल्लीतील तालकटोरा स्टेडियम येथे ओबीसी (OBC) नेत्यांची आज महत्वाची बैठक होणार आहे. या बैठकीला छगन भुजबळांसह (Chhagan Bhujbal) शरद यादव, लालूप्रसाद यादव, सीताराम येचुरी इत्यादी दिग्गज नेते उपस्थित राहणार असल्याने या अधिवेशनाला विशेष महत्व प्राप्त झाले आहे. (Chhagan Bhujbal arrives in Delhi for NATIONAL OBC CONVENTION, many leaders including Sharad Yadav will be present)

हे देखील पहा -

सर्वोच्च न्यायालयाने ओबीसींच्या राजकीय आरक्षणाला (OBC Reservation) स्थगिती दिल्यानंतर ओबीसी समाजाला मोठा धक्का बसला आहे. महाराष्ट्रात येत्या स्थानिक स्वराज्य संस्थांमधील निवडणुका या ओबीसी आरक्षणाविनाच होणार आहेत. त्याचप्रमाणे मध्य प्रदेशमध्येही हीच परिस्थिती असल्याने एकुणच देशभरातील ओबीसी आरक्षणाला धक्का लागला आहे. ओबीसींच्या देशभरातील आरक्षणाच्या या समस्यांवर चर्चा करण्यासाठी दिल्लीत हे 'राष्ट्रीय ओबीसी अधिवेशन' भरवण्यात येणार आहे. दुपारी १ ते सायंकाळी ५:३० पर्यंत हे अधिवेशन असणार आहे.

या अधिवेशनात शरद यादव, छगन भुजबळ, तेजस्वी यादव, कनिमोझी करुणानिधी, कांचा इलैया शेपर्ड आणि सुनील सरदार इत्यादी नेते उपस्थित असणार आहे. त्याचप्रमाणे पी. विल्सन, मनोज झा, सुभाषिनी यादव, शेफालिका शेखर, के. राजू. प्रोफेसर दिलीप मंडल, अरविंद कुमार, लालूप्रसाद यादव, सचिन पायलट, सीताराम येचुरी, डी. राजा, कॅप्टन अजय यादव इत्यादी नेते उपस्थित राहणार आहेत.

Edited By - Akshay Baisane