प्रसिद्ध ब्रिटिश टीव्ही प्रेझेंटर डॉ. मायकेल मॉस्ले (Miachel Mosley) हे गेल्या काही दिवसांपासून बेपत्ता झाले होते. त्यांचामृतदेह अखेर सापडला आहे. डॉ. मायकेल मॉस्ले हे ६७ वर्षाचे होते. बुधवारी फिरायला गेले असताना ते अचानक गायब झाले. गायब झाल्यानंतर काही दिवसांनी मायकेल यांना शोधण्यात यश आले आहे.

मायकेल मॉस्ले हे सिमी येथी ग्रीक आयलँडवर सुट्ट्यांचा आनंद घेण्यासाठी गेले होते. या आयलँडवरुन ते परत घरी आलेच नाही. त्यामुळे त्यांच्या पत्नीने ही माहिती पोलिसांना दिली. यानंतर या आयलँडच्या परिसरात शोधकार्य सुरु झाले. अग्नीशमन दल, तटरक्षक दल यांच्या प्रयत्नानंतर मायकेल यांना शोधण्यात यश आले आहे.

मॉस्ले हे ब्रिटीश प्रसारमाध्यमातील (British Media)लोकप्रिय चेहरा होते. त्यांनी अनेक टेलिव्हिजन कार्यक्रमांमध्ये काम केले आहे. ते बीबीसी रेडिओ ४ वर 'जस्ट वन थिंग' या नावाचा कार्यक्रम चालवायचे. मोस्ले हे निकोलाओस समुद्रकिन्याऱ्यावरुन फिरण्यासाठी गेले होते. तिथेच ते बेपत्ता झाले. पोलिसांनी त्यांना शोधण्याचा प्रयत्न केला.

सीसीटीव्ही फुटेजमध्ये मॉस्ले हे चालत जाताना दिसले परंतु ते पुन्हा रिटर्न येताना दिसले नाही. त्यामुळे पोलिसांना शोध घेण्यास अवघड झाले होते. मात्र, त्यांचा मृतदेह आता सापडला आहे.