तमिळनाडूमधून एक मोठी दुर्घटना समोर आली आहे. तमिळनाडूच्या विरुधुनगर जिल्ह्यातील एका फटाका फॅक्टरीत भीषण स्फोट झाला. या दुर्घटनेत ८ कामगारांचा मृत्यू झाला असून ६ जण जखमी झाले आहेत. दुर्घटनेतील जखमींवर सध्या रुग्णालयात उपचार सुरू आहेत.
तामिळनाडूच्या (Tamil Nadu) विरुधुनगर जिल्ह्यात शनिवारी फटाक्यांच्या कारखान्यात स्फोट झाला. या दुर्घटनेत कारखान्यात काम करणाऱ्या ८ कामगारांचा मृत्यू झाला आहे, तर इतर 6 कामगार जखमी झाले असून, त्यांना उपचारासाठी शिवकाशीच्या शासकीय रुग्णालयात दाखल करण्यात आले आहे. हा स्फोट इतका भीषण होता की ज्या घरामध्ये कारखाना सुरू होता ते घर पूर्णपणे कोसळले आणि जवळपासच्या अनेक इमारतींचे नुकसान झाले.
या दुर्घटनेत सहा जणांचा जागीच मृत्यू झाला, तर दोघांचा रुग्णालयात नेत असताना मृत्यू झाला. स्फोटानंतर आरडाओरडा केल्यानंतर स्थानिकांनी घटनास्थळी धाव घेतली. तसेच या घटनेची माहिती पोलिसांना दिली, त्यानंतर पोलीस आले आणि पोलीस आणि अग्निशमन दलाच्या टीमसह स्थानिक लोकांच्या मदतीने बचावकार्य सुरू करण्यात आले.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
प्राथमिक तपासात कारखान्यातील केमिकल मिक्सिंग रूममध्ये स्फोट झाल्याचे समोर आले आहे. ढिगाऱ्याखाली आणखी काही जणांचा चिरडून मृत्यू झाल्याची शक्यता नाकारता येत नाही, असे पोलिसांनी सांगितले. मात्र, आतापर्यंत या अपघातात ८ जणांचा मृत्यू झाला आहे. यामध्ये ५ महिलांचा समावेश आहे. सहा गंभीर जखमींना शिवकाशी सरकारी रुग्णालयात दाखल करण्यात आले आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.