भरत मोहोळकर, साम टीव्ही

दहशतवाद्यांना पोसणाऱ्या पाकिस्तानला पाठींबा देणाऱ्या तुर्कीला आता भारतानं चांगलाच दणका दिलाय. त्यामुळं आता तुर्कस्थानचं काही खरं नाही. हे आम्ही का म्हणतोय. भारतानं तुर्कीला कसा दणका दिलाय? पाहूयात या स्पेशल रिपोर्टमधून....

पहलगाम हल्ला करुन भारताच्या काळजावर ओरखडा ओढणाऱ्या पाकिस्तानसोबत तुर्की उभा राहिला.. एवढंच नाही तर पाकला भारताविरोधात लष्करी मदतही केली. त्यामुळंचं देशभरात बॉयकॉट तुर्की म्हणत बहिष्काराचं अस्त्रं उगारलंय.. त्यामुळं तुर्कीची पुरती नाकेबंदी झालीय...

हा व्हिडीओ पाहा..पर्यटकांनी गजबजलेलं हे बेट आहे तुर्कस्तानमधील... मात्र आता हे बेट ओसाड पडणार आहे.. कारण भारतीय पर्यटकांनी दहशतवाद्यांना पाठींबा देणाऱ्या तुर्कीच्या पर्यटनावर बहिष्कार टाकलाय...

एवढंच नाही तर भारतीय व्यापाऱ्यांनीही तुर्कस्तानवरुन आयात कऱण्यात येणाऱ्या सफरचंद आणि मार्बलची आयात बंद केलीय. दुसरीकडे भारतीय विमानतळांवर असलेली तुर्कीचे कंत्राट रद्द कऱण्याची मागणी कऱण्यात आलीय.. याबरोबरच भारतानं तुर्कीवर डिजिटल स्ट्राईक करत टीआरटीओचं अकाऊंटही रद्द केलंय.

खरंतर भारत आणि पाकिस्तानमध्ये तणाव निर्माण झाल्यानंतर तुर्की आणि अझरबैजाननं दहशतवाद्यांचा आका असलेल्या पाकिस्तानला पाठींबा दिला. एवढंच नाही तर भारताविरोधात ड्रोन, मिसाईल, युद्धनौका पाठवल्या. नेमकं हेच राष्ट्रप्रेमी भारतीयांना खटकलं आणि देशात बहिष्कारास्त्र सुरु झालं. त्यामुळं आता तुर्कीचं कंबरडं मोडणार आहे. दरवर्षी 3 लाख 30 हजार भारतीय पर्यटक तुर्कीला जातात. भारतीय पर्यटकांकडून तुर्कीला 3100 कोटींचा नफा होतो. तुर्कीतून संगमरवरी आणि फळांची 31 हजार कोटींची आयात केली जाते.

तुर्कीला मुस्लीम देशांचा खलिफा व्हायची इच्छा आहे. त्यामुळे तुर्कीनं दहशतवादी पाकला पाठींबा दिला. दहशतवाद आणि व्यापार सोबत होऊ शकत नाही हे पंतप्रधान मोदींनी स्पष्ट सांगितलंय. त्यामुळंच भारताच्या वाईटावर टपलेल्या तुर्कीसारख्या डोमकावळ्यांना ट्रेड स्ट्राईक हा फक्त इशारा आहे. त्यामुळं तुर्कीनं आतातरी दहशतवाद्यांच्या जळत्या घरापासून अंतर राखावं नाहीतर दहशतवादाविरोधातील लढाईत तुर्कीचाही बळी जाणार हे निश्चित.