छठ पूजेदरम्यान उत्तर प्रदेशमध्ये मोठी दुर्घटना घडली. उत्तर प्रदेशच्या चंदौली येथे सेल्फी घेताना होडी उलटल्याची घटना घडली. यादरम्यान होडीत सेल्फी घेणार तरुण नदीत बुडाले. या घटनेने एकच खळबळ उडाली. या घटनेनंतर किनाऱ्यावरील काहींनी वाचवण्यासाठी नदी उड्या मारल्या. त्यातील ४ जणांना वाचवण्यात यश आलं आहे. तर इतरांचा शोध सुरु आहे.

उत्तर प्रदेशातील बबुरी पोलीस स्टेशनच्या हद्दीतील कोदोचक गावात ही घटना घडली. मिळालेल्या माहितीनुसार,चंद्रप्रभा नदीजवळ छट पूजेसाठी हजारो लोक आले होते. यावेळी नदीत एक होडी होती. या नदीतील होडीत काही तरुण चढले.

होडीत चढलेल्या लोकांनी सेल्फी काढायला सुरुवात केली. लोकांची गर्दी झाल्याने होडी डगमगू लागली. पुढे होडी उलटल्याने तरुण नदीत बुडाले. या घटनेनंतर नदीत बुडालेल्या लोकांची एकच आरडाओरड सुरु झाली.

घटनेनंतर नदीजवळ उपस्थित लोकांनी तातडीने तरुणांना वाचवण्यासाठी नदीत उडी मारली. नदीजवळील ग्रामस्थांनी ४ लोकांचा जीव वाचवला. तर या दुघटनेत तिघे जण पाण्यात बुडाल्याची माहिती मिळाली आहे. नदीत बुडालेल्या लोकांचा शोध घेण्याचं काम सुरु आहे.

बिहारमध्ये नदीत बुडून ४ जणांचा मृत्यू

बिहारच्या भागलपूरमध्ये छठ पूजेदरम्यान ४ लहान मुलांचा बुडून मृत्यू झाल्याची घटना घडली आहे. नदीत आंघोळ करण्यासाठी नदीत उतरले. पाण्याचा अंदाज न आल्याने चौघांचा बुडून मृत्यू झाला. या घटनेनंतर गावात एकच खळबळ उडाली. दोन मुले अद्याप बेपत्ता आहे. त्यांना शोधण्याचे प्रयत्न सुरु आहेत. चौघांच्या मृत्यूने गावावर शोककळा पसरली आहे.