भारतीय जनता पक्षाचा म्हणजेच भाजपचा आज 47 वा स्थापना दिवस आहे. 6 एप्रिल 1980 रोजी माजी पंतप्रधान अटलबिहारी वाजपेयी यांच्या अध्यक्षतेखाली जनसंघातून बाहेर पडून भाजपची स्थापना केली होती. मात्र आज भाजपवर मोठा दुखाचा डोंगर कोसळला आहे. छत्तीसगडमधील जशपुरचे भाजपचे माजी आमदार जागेश्वर राम भगत यांचे निधन झाले आहे. त्यांच्या निधनाने राजकीय आणि सामाजिक क्षेत्रात शोककळा पसरली आहे. मागच्या काही दिवसांपासून ते आजारी असल्याने त्यांच्यावर उपचार सुरू होते. रविवारी (दि 5) रोजी त्यांची प्राणज्योत मालावली.

जागेश्वर राम भगत हे केवळ राजकारणातच सक्रिय नव्हते तर त्यांनी सामाजिक आणि सांस्कृतिक कार्यातही महत्वपूर्ण भूमिका बजावली. त्यांनी वनवासी कल्याण आश्रमच्या सरहुल समितीचे अध्यक्ष म्हणून काम केले आणि आदिवासी समाजाच्या अंबू सांस्कृतिक परंपरच्या जतनासाठी अविरतपणे कार्यरत राहिले. त्याच्या निधनाने या छत्तीसगढच्या राजकीय वर्तुळात हळहळ व्यक्त केली जात आहे.

त्यांच्या निधनाच्या बातमी समजताच त्यांच्या समर्थक आणि स्थानिक रहिवाशांमध्ये शोककळा पसरली. अनेक लोकप्रतिनिधी आणि सामाजिक संघटनांनी त्यांच्या योगदानाचे स्मरण करून त्यांना श्रद्धांजली वाहिली. जशपूर आणि आसपासच्या परिसरातील लोक त्यांना एक साधे, मनमिळाऊ आणि सामाजिक बांधिलकी असलेले नेते म्हणून स्मरत आहेत.