बिहार विधानसभा निवडणुकीनंतर एनडीए सरकारने सोमवारी पहिला मोठा प्रशासकीय फेरबदल केला. अनेक आयएएस अधिकाऱ्यांच्या बदल्या करण्यात आल्या आहेत. राज्यातील १३ जिल्ह्यांतील जिल्हा दंडाधिकाऱ्यांची बदली करण्यात आली आहे. नवीन सरकार स्थापन झाल्यानंतर आयएएस अधिकाऱ्यांमध्ये झालेला हा पहिलाच मोठा फेरबदल आहे.

विधानसभा निवडणुकीत एनडीए प्रचंड बहुमताने सत्तेत आले. ज्याप्रमाणे बिहार सरकारचं मंत्रिमंडळात बदल करण्यात आलाय. तसेच नवं सरकार येताच बिहारमध्ये प्रशासकीय बदल करण्यात आलेत.बिहारमध्ये यावेळी उपमुख्यमंत्री सम्राट चौधरी गृहमंत्रीपदाचं म्हणून काम पाहत आहेत. यापूर्वी नितीश कुमार यांनी मुख्यमंत्रीपदाव्यतिरिक्त गृहमंत्रीपदाचीही जबाबदारी सांभाळली होती. सोमवारी बिहार सरकारने १३ जिल्ह्यांचे जिल्हा दंडाधिकारी तसेच अनेक विभागांचे सचिव आणि प्रधान सचिव बदलेत.

अभिलाषा शर्मा यांची औरंगाबादचे जिल्हाधिकारी म्हणून नियुक्ती करण्यात आली आहे. तर श्रीकांत शास्त्री यांची बेगुसरायचे जिल्हाधिकारी म्हणून नियुक्ती करण्यात आलीय. त्यानंतर श्रीकांत शास्त्री यांना बेगुसरायचे जिल्हा जिल्हाधिकारी आणि तरणजोत सिंग यांना बेतियाचे जिल्हाधिकारी बनवण्यात आले आहे.

बदली यादीनुसार, विवेक रंजन यांना सिवान, आशुतोष द्विवेदी यांना कटिहार, तर प्रतिभा राणी यांना शिवहर आणि वैभव श्रीवास्तव यांना छप्रा येथे त्यांची बदली करण्यात आलीय. अभिषेक रंजन यांना मधेपुराचे जिल्हाधिकारी म्हणून नियुक्त करण्यात आले आहे, तर शेखर आनंद यांना शेखपुराचे जिल्हाधिकारी म्हणून नियुक्त करण्यात आले आहे. विनोद दुहान यांना अररियाचे डीएम आणि अभिषेक रंजन यांना मधेपुराचे जिल्हाधिकारी म्हणून नियुक्त करण्यात आले आहे. याशिवाय, शेखर आनंद यांची शेखपुरा येथे आणि अमृता बैंस यांची अरवल येथे बदली करण्यात आली आहे. पाच जिल्ह्यांतील डीएम सध्या प्रतीक्षा यादीत आहेत