बिहार विधानसभा निवडणुकीचा निकाल आज जाहीर केला जात आहे. सुरुवातीच्या कलानुसार एनडीएन बहुमत मिळवलंय. तर महाआघाडीचा मोठा पराभव होताना दिसत आहे. एनडीएनं २०० पार गेल्याच दिसत आहे. तर महाआघाडीला फक्त ३५ जागा मिळत आहेत. याचदरम्यान बिहार निवडणुकीत एनडीएच्या विजयात महाराष्ट्राच्या मुख्यमंत्र्याचा मोठा वाटा आहे. फडणवीस हे भाजपच्या निवडणूक प्रचारक होते. त्यांनी घेतलेल्या जवळपास सर्वच मतदारसंघातील उमेदवार आघाडीवर आहेत.

आतापर्यंत एनडीएनं २०२ जागांवर आघाडी घेतलीय. यात भाजप ९२, जेडीयू-८२, एलजेपी-२१ आणि इतर पक्षांनी ९ जागांवर आघाडी घेतली आहेत. यात महाराष्ट्राचे मुख्यमंत्री देवेंद्र फडणवीस यांचा मोठा वाटा आहे. फडणवीस यांच्या प्रचाराचा एनडीएला मोठा फायदा झालाय. मुख्यमंत्री फडणवीस यांचा बिहारमधील ६१ मतदारसंघांवर प्रभाव दिसून येत आहे.

मुख्यमंत्री फडणवीस यांनी बिहारमधील ६१ मतदारसंघामध्ये एनडीएच्या उमेदवारांसाठी प्रचार केला. त्यातील ४९ मतदारसंघातील उमेदवार हे आघाडीवर आहेत. मुख्यमंत्री फडणवीस यांनी ७ जिल्ह्यामध्ये एनडीएच्या उमेदवारांसाठी प्रचार केला होता. देवेंद्र फडणवीस यांनी १ आणि २ नोव्हेंबर रोजी प्रचार सभा आणि रॅली केल्या होत्या.

मुख्यमंत्री देवेंद्र फडणवीस यांनी प्रचार केलेले जिल्हे

- सारन

- सिवान

- पाटणा

- मुझफ्फरपूर

- सहरसा

- खगडिया

- समस्तीपूर

सारन - १० पैकी ९ एनडीए उमेदवार आघाडीवर

सिवान - ८ पैकी ६ एनडीए उमेदवार आघाडीवर

पाटणा - १४ पैकी ११ एनडीएचे उमेदवार आघाडीवर

मुझफ्फरपूर- ११ पैकी १० एनडीए उमेदवार आमदार

सहरसा - ४ पैकी ३ एनडीए उमेदवार आघाडीवर

खगडिया - ४ पैकी चारही एनडीए उमेदवार आघाडीवर

समस्तीपूर - १० पैकी ६ एनडीए उमेदवार आघाडीवर

बिहार निवडणुकीतील राघोपूर ही सर्वात लोकप्रिय जागा आहे. लालू प्रसाद यादव यांचे धाकटे सूपुत्र आणि राजद नेते आणि महाआघाडीचे मुख्यमंत्रीपदाचे उमेदवार तेजस्वी यादव येथून निवडणूक लढवत आहेत. त्यांना भाजप उमेदवार सतीश कुमार यादव आव्हान देत आहेत. प्रत्येक फेरीनंतर तेजस्वी यादव पिछाडीवर जाताना दिसत आहेत.