बिहारमधील आरा येथील बेलघाट गावाजवळ एक धक्कादायक घटना घडली. रस्त्याच्या कडेला वडील आणि मुलाचा मृतदेह आढळल्यानं खळबळ उडाली आहे. प्राथमिक माहितीनुसार, दोघांची हत्या गोळीबारातून झाल्याची माहिती समोर आली आहे. हत्येमागील कारण मु्ख्य कारण समोर आले नसून, पोलिसांकडून अधिक तपास सुरू आहे.

मिळालेल्या माहितीनुसार, प्रमोद महतो आणि प्रियांशु महतो अशी मृत व्यक्तींची नावे आहेत. प्रियांशु याचं लग्न ठरलं होतं. साखरपुड्यासाठी दोघेही बाजारात गेले होते. मात्र, रात्र झाली तरीही दोघेही परतले नव्हते. शुक्रवारी सकाळी बेलघाट गावाजवळ गावकऱ्यांना त्यांचे मृतदेह दिसले. रस्त्याच्या कडेला त्यांचे निदर्शनास आले.

ग्रामस्थांनी याची माहिती मुफस्सिल पोलिसांना दिली. पोलिसांनी तातडीने घटनास्थळी धाव घेतली. तसेच तपासाला सुरूवात केली. पोलिसांनी मृतदेह ताब्यात घेऊन शवविच्छेदनासाठी रूग्णालयात पाठवले. प्राथमिक तपासात दोघांचाही गोळीबारात हत्या झाल्याचे स्पष्ट झाले. घटनास्थळावरून पोलिसांना काही काडतुसेही सापडली.

मृतक प्रमोद महतो हे स्थानिक पातळीवरील एक प्रसिद्ध व्यक्ती होते. त्यांची हत्या नेमकी का करण्यात आली? हत्येमागीव हेतू स्पष्ट झाले नाही. सध्या पोलिसांकडून कसून तपास सुरू आहे. आरा पोलिसांनी दिलेल्या माहितीनुसार, 'या प्रकरणाचा तपास करण्यासाठी एक विशेष पथक तैनात करण्यात आले आहे. आजूबाजूच्या परिसरातील सीसीटीव्ही फुटेज तपासले जात आहे. संशयितांची चौकशी केली जात आहे', अशी माहिती पोलिसांनी दिली.