Belgaon News : कर्नाटक सरकारच्या अधिवेशनाला विरोध करण्यासाठी आयोजित करण्यात आलेला महामेळावा दडपण्याचा प्रयत्न बेळगावमध्ये कर्नाटक पोलिसांकडून झाला. मराष्ट्र एकीकरण समितीच्या अनेक कार्यकर्त्यांना बेळगाव सीमेवरच अडवले. अनेकांना ताब्यात घेण्यात आले. बेळगावच्या सीमेवर मराठी माणसांना अडवण्यात आलेय. पोलिसांचा तगडा बंदोबस्त करण्यात आला होता. बेळगाव सीमेवर तणाव होता.

महाराष्ट्र कर्नाटक सीमेवरील कोगनोळी टोल नाक्यावर मोठा पोलीस बंदोबस्त तैणात करण्यात आलाय. बेळगाव इथे आयोजित केलेल्या महामेळाव्याला कोल्हापुरातून शिवसेनेचे नेते जाऊ नये यासाठी कर्नाटक पोलिसांकडून बंदोबस्त करण्यात आलाय. बेळगाव हद्दीत येणाऱ्या प्रत्येक वाहनांची पोलिसांकडून कसून तपासणी करण्यात येत आहे.

बेळगाव जिल्ह्यात कोल्हापुरातील चार शिवसेना उद्धव बाळासाहेब ठाकरे गटाच्या नेत्यांना बंदी घालण्यात आलेली आहे. शिवसेनेचे उपनेते संजय पवार, विजय देवणे, सुनील शिंत्रे, सुनील मोदी या नेत्यांना दोन दिवस बेळगाव जिल्ह्यात प्रवेश बंदी करण्यात आलेली आहे. कर्नाटक पोलिसांनी कितीही दडपशाही केली तरी कोणत्याही परिस्थितीत आम्ही बेळगाव मध्ये जाणार, असा पवित्र शिवसेना उपनेते संजय पवार आणि विजय देवणे यांनी घेतला आहे.

कर्नाटक पोलिसांची पुन्हा एकदा मराठी भाषिकांवर दडपशाही केली आहे. महाराष्ट्र एकीकरण समितीच्या सर्व नेत्यांना बेळगाव पोलिसांनी अटक केली आहे. बेळगाव इथं महाराष्ट्र एकीकरण समितीच्या वतीने आयोजित करण्यात आलेय. या महामेळाव्याला कर्नाटक पोलिसांनी विरोध केला. त्यामुळे बेळगाव सीमा भागामध्ये तणावाचं वातावरण आहे.

शिवसेनेच्या (उबाठा) वतीने काढण्यात आलेल्या भगव्या रॅलीला सकाळी सुरूवात झाली. कोल्हापुरातील ताराराणी चौकातून कोल्हापूर ते बेळगाव भगव्या रॅलीला सुरुवात झाली. बेळगाव इथे होत असलेल्या महामेळाव्यासाठी शिवसैनिक कोल्हापुरातून बेळगावच्या दिशेने रवाना झाले आहेत. महाराष्ट्र कर्नाटक हद्दीवरील कोगनोळी टोल नाका इथं कर्नाटक पोलीस शिवसैनिकांना ताब्यात घेतले. त्यामुळे तणावाचे वातावरण निर्माण झालं.