Baba Sit On The Stove Viral Video: सध्या वेगवेगळ्या महाराजांच्या, साधू बाबांच्या चमत्काराच्या अनेक चर्चा आपल्या कानावर येत असतात. सामान्य माणसाला कधीही विश्वास बसणार ही अशा अनेक गोष्टी हे बाबा करत असतात. ज्यामुळे सोशल मीडियावर त्यांच्या नावाची जोरदार चर्चाही पाहायला मिळत असते. सध्या अशाच एका बाबांची सोशल मीडियावर जोरदार चर्चा पाहायला मिळत आहे.

ज्याच कारणही अगदी खास आहे. इतर बाबांपेक्षा हटके गोष्टीमुळे हे बाबा चांगलेच चर्चेत आले आहेत. म्हणूनच त्यांना चुलीवरील बाबा असे नावही नेटकऱ्यांनी दिले आहे. काय आहे या खास बाबांची गोष्ट चला जाणून घेवू... (Viral Video)

सोशल मीडियावर आपल्याला वेगवेगळ्या बाबांच्या बातम्या ऐकायला मिळत असतात. त्यांचे अनेक व्हिडीओ समोर येत असतात. जे बघून लोक हैराण होतात. काही बाबा अनेक महिने एकाच पायावर उभे असतात तर काही बाबा अजिबात झोपत नाहीत. कुणी कपडे घालत नाहीत तर काही बाबा आजार दूर करण्याचा दावा करतात. यातच एका नव्या बाबाचा व्हिडीओ चर्चेत आला आहे. हा व्हिडीओ ट्विटरवर व्हायरल झाला आहे. ज्यात हा बाबा एका जळत्या चुलीवर बसलेला आहे.

या व्हायरल व्हिडिओने नेटकरीही चक्रावले आहेत. कारण बाबा लोखंडी ताव्यावर ज्याच्याखाली आग पेटली आहे त्यावर बसला आहे. चुलीमध्ये आग इतकी लागली आहे की, सहजपणे भाकरी आणि पोळ्या भाजल्या जातील. बाबाजवळ त्यांचे भक्त येऊन आशीर्वाद घेताना दिसत आहेत. तुम्ही बघू शकता की, बाबा धोतर घालून आणि विडी पित तापलेल्या ताव्यावर बसले आहेत

ही चूल पूर्णपणे पेटवलेली असून हा बाबा त्यावर निवांत बसला आहे. आगीमुळे चटका बसत असल्याचे कोणतेही भाव या बाबाच्या चेहऱ्यावर दिसत नाहीयेत. पांढरं धोतर घातलेला हा बाबा बिडी ओढताना दिसत आहे. अनेक लोक त्याच्या जवळ येऊन त्याचा आशिर्वाद घेत आहेत.मात्र हा बाबा त्यांना शिव्या देत आहे.

या व्हायरल व्हिडिओवर नेटकऱ्यांनी जोरदार प्रतिक्रिया दिल्या असून चुलीवरचं मटण, मिसळ, आइसक्रीमनंतर आता चुलीवरचे बाबा बाजारात आले आहेत, अशा मजेशीर कमेंट्सही या व्हिडिओवर पाहायला मिळत आहेत. आतापर्यंत या व्हिडिओला 62 हजारांपेक्षा जास्त व्ह्यूज मिळाले आहेत. (Latest Marathi News)