संसदेमधील लोकसभेच्या सभागृहात राहुल गांधी आणि भाजप नेत्यांमध्ये जुंपलीय. जात जनगणनेच्या मुद्द्यावरुन विरोधीपक्ष नेते राहुल गाधी आणि भाजप नेते अनुराग ठाकूर यांच्या तू-तू मैं-मैं झाली. या दोघांमध्ये जोरदार वादावादी झाली आणि यादरम्यान अखिलेश यादव यांनीही राहुल गांधींना पाठिंबा देत सत्ताधारी पक्षाच्या नेत्यांना घेरले. या काळात सभागृहात मोठा गोंधळ उडाला.

सध्या संसदेचे पावसाळी अधिवेशन सुरू आहे. यावेळी लोकसभेत अर्थसंकल्पावर चर्चा होतेय. सभागृहात चर्चेदरम्यान अनुराग ठाकूर यांनी काँग्रेस आणि राहुल गांधींवर जोरदार निशाणा साधला. काँग्रेस पक्षातील आजी-माजी पंतप्रधानांचा उल्लेख केला. प्रत्येक काळात झालेल्या घोटाळ्यांचा उल्लेख केला. काँग्रेसच्या पंतप्रधानांच्या काळात हलवा कोणाला मिळाला? काही लोक ओबीसींबद्दल बोलतात. त्यांच्यासाठी ओबीसी म्हणजे ओन्ली फॉर ब्रदर इन लॉ कमिशन. मी म्हटलं होतं की ज्यांना जात कळत नाही ते जन गणनेवर बोलत आहेत. मी कोणाचेही नाव घेतले नाही, पण उत्तर द्यायला कोण उभे राहिले?

त्याआधी लोकसभेत बोलताना अनुराग ठाकूर म्हणाले, असत्याला पाय नसतात आणि ते काँग्रेस पक्षाच्या खांद्यावर स्वार होते असं म्हटलं होतं. ज्या प्रकारे मदारीच्या खांद्यावर माकड असते. राहुल गांधी यांच्या खांद्यावर खोट्या गोष्टींचा पोशाख आहे. राहुल गांधींवर निशाणा साधत अनुराग ठाकूर म्हणाले, 'त्यांना हे माहित असले पाहिजे की एलओपीचा पूर्ण प्रकार विरोधी नेता आहे, प्रचाराचा नेता नाही. काँग्रेस पक्षाने मोठा भ्रष्टाचार केला आहे.

या टिप्पण्यांनंतर सभागृहात गोंधळ वाढला, त्यामुळे सभापतींनी राहुल गांधींना अनुराग ठाकूर यांना उत्तर देण्याची परवानगी दिली. त्यानंतर राहुल गांधी उभे राहिले आणि 'अनुराग ठाकूर' यांनी मला शिवीगाळ करून अपमान केल्याचा आरोप केला. पण मला त्यांच्याकडून माफी नकोय. त्यावेळी सभापतींच्या खुर्चीवर जगदंबिका पाल सभागृहात सभापतींच्या खुर्चीवर बसल्या होत्या.