ऑस्ट्रेलियन रॉक बँड Rose Tatto चे प्रसिद्ध गायक, अभिनेते आणि सामाजिक कार्यकर्ते अँग्री अँडरसन यांच निधन झालं आहे. ते 79 वर्षांचे होते. कुटुंबीय आणि बँडमधील सहकाऱ्यांनी त्यांच्या निधनाची महिती दिली. ऑस्ट्रेलियात आपल्या जवळच्या व्यक्तींची उपस्थितीत त्यांचे निधन झाले.

अँडरसन गेल्या पाच दशकांपासून संगीत क्षेत्रात सक्रिय होते. Rose Tattoo सोबत त्यांनी ‘Bad Boy for Love’, ‘Rock 'n' Roll Outlaw’ आणि ‘We Can't Be Beaten’ यांसारखी गाणी लोकप्रिय केली. Suddenly’ या गाण्यामुळे त्यांना एकल गायक म्हणूनही मोठं यश मिळालं. या गाण्याने ऑस्ट्रेलियासह ब्रिटन, आयर्लंड, बेल्जियम आणि नेदरलँडसच्या संगीत चार्टमध्ये स्थान मिळवलं होतं.

अँडरसन यांना ऑगस्टमध्ये युरोप दौऱ्यावर असताना ह्रदयविकाराचा झटका आला होता. त्यानंतर त्यांना जर्मनीतील रुग्णालयात दाखल करण्यात आल होत. त्यांच्या प्रकृतीमुळे Rose Tatto चा 9 ऑगस्टचा कार्यक्रम रद्द करण्यात आला. त्यानंतर बँडने युरोप दौऱ्याचा उर्वरित भागही रद्द केला होता. सप्टेंबरमध्ये ऑस्ट्रेलियात दौरा पुन्हा सुरू करण्याचं नियोजन होतं.

संगीताव्यतिरिक्त अँडरसन यांनी दूरदर्शन आणि चित्रपटांमध्येही काम केलं. ते सामाजिक कार्य, धर्मादाय उपक्रम आणि युवा मार्गदर्शनासाठीही ओळखले जात होते. त्यांच्या निधनानंतर संगीत क्षेत्रातील अनेक कलाकारांनी त्यांना श्रद्धांजली वाहिली. Skid Row चे गायक सेबॅस्टियन बाख यांनीही अँडरसन यांच्या निधनावर शोक व्यक्त केला.

अँग्री अँडरसन यांचा जन्म 5 ऑगस्ट 1947 रोजी मेलबर्न येथे झाला होता. त्यांचं बालपण कोबर्ग या कामगारवर्गीय परिसरात गेलं. त्यांची आई मॉरिशसहून ऑस्ट्रेलियात आली होती. 2009 मध्ये ABCच्या ‘Talking Heads’ कार्यक्रमात बालपणीच्या आठवणी सांगताना अँडरसन यांनी आपल्या आईशी संबंधित एक भावनिक प्रसंग सांगितला होता.