नवी दिल्ली : श्रद्धा वालकर हत्या प्रकरणात नवीन माहिती समोर आली आहे. आरोपी आफताब श्रद्धाची हत्या केल्यानंतर गोव्यात मौजमजा मारण्यासाठी आला होता. यावेळी त्याच्यासोबत एक दुसरी मुलगी देखील होती. आफताब पुनावाला कळंगुटमधील एका प्रसिद्ध हॉटेलमध्ये थांबला होता.

आफताबसोबत गोव्यात कोणती तरुणी आली होती याची माहिती तपास यंत्रणांना मिळाली नसली तरीही दोघांची ओळख ऑनलाईन झाल्याचं समोर आलं आहे. श्रद्धाच्या हत्येनंतर आफताब ऑनलाईन डेटिंग अॅप्सचा वापर करत वेगवेगळ्या तरुणींसोबत शारीरिक संबंध ठेवत होता.

श्रद्धाच्या हत्येनंतर एक मुलगी अफताबच्या दिल्लीतील महरौली येथील घरी आली होती अशी माहिती पोलिस तपासात समोर आली होती. त्या मुलीचा शोध घेऊन तिची देखील चौकशी पोलिसांनी केली आहे.

आफताबचे अनेक महिलांशी आणि कॉल गर्लशी संबंध होते. क्लाएंट्सकडून पैसे मिळताच आफताब कॉल गर्ल आणि सेक्स वर्कर्सना कॉल करुन त्यांच्यासोबत मौजमजा करायचा अशी माहिती दिल्ली पोलीस दलातील अधिकाऱ्याने नाव न सांगण्याच्या अटीवर दिली आहे.

सोमवारी नार्को चाचणी होण्याची शक्यता

सोमवारी आंबेडकर रुग्णालय येथे आरोपी अफताबची नार्को चाचणी होण्याची शक्यता आहे. तसेच शनिवारी त्याची न्यायालयीन कोठडीची तारीख संपत आहे त्यामुळे शनिवारी पुन्हा एकदा त्याला न्ययालयात हजर करून कोठडीत वाढ मिळवण्यासाठी पोलीस मागणी करत आहेत. तसेच अफताबची वैद्यकीय चाचणी पूर्ण झाली असून अहवाल देखील पोलिसांच्या हाती लागला आहे.