चांद्रयान-3 चांद्र मोहीम यशस्वीपणे पूर्ण झाल्यानंतर आणि भारताची पहिली सौर मोहीम, आदित्य L1, लॉन्च करण्यात आली. यानंतर आता भारतीय अंतराळ संशोधन संस्था (ISRO) गगनयान मोहिमेसाठी सज्ज झाली आहे.
अशातच ऑक्टोबर महिन्यात इस्रो देशातील पहिल्या मानव रहित अंतराळ उड्डाणाची चाचणी करेल, अशी अपेक्षा. सध्या इस्रोकडे हेवी-लिफ्ट LVM-3 रॉकेट्स आहेत. जे मानव-रेट केलेले प्रक्षेपण वाहनमध्ये (HRLVs) विकसित केले जात आहेत. भविष्यात क्रू मॉड्युल आणि भारतीय अंतराळवीरांना अंतराळात घेऊन जाण्यास सक्षम बनवले जात आहे. सतीश धवन अंतराळ केंद्राचे संचालक राजराजन यांनी या नवीन मोहिमेचे महत्त्वाचे तपशील शेअर केले आहेत.
मोहीम अयशस्वी होऊ नयेत यासाठी सर्व यंत्रणा उच्च सुरक्षा मार्जिनने विकसित केल्या जातील, यावर त्यांनी भर दिला आहे. क्रू मॉड्युल लॉन्च व्हेइकलमध्ये कोणतीही चूक झाल्यास त्यातील अंतराळवीरांना सुरक्षितपणे बाहेर काढता येईल, याची खात्री करण्यासाठी क्रू एस्केप सिस्टम लागू केली जाईल. (Latest Marathi News)
कशी सुरु आहे तयारी?
ISRO सध्या गगनयान मोहिमेसाठी विविध चाचण्या घेत आहे. ज्यामध्ये क्रू मॉड्यूलच्या ड्रॉप चाचण्या, हाय-अल्टीट्यूड ड्रॉप टेस्ट आणि पॅड एस्केप चाचण्यांचा समावेश आहे. जिथे क्रू एस्केप सिस्टम अंतराळवीरांना बाहेर काढेल आणि त्यांना सुरक्षित अंतरावर घेऊन जाईल.
याबाबत माहिती देताना राजराजन म्हणाले, “आमच्याकडे एक वाहन प्रकल्प देखील आहे. जिथे L-40 इंजिन, एक GSLV बूस्टर, टॉपवर क्रू मॉड्यूलसह लॉन्च केले जाईल.''
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.