Tsunami alert issued after Russian earthquake : रशियामध्ये एकापाठोपाठ एक ७ शक्तिशाली भूकंपाचे हादरे बसल्याने जगभरात खळबळ उडाली. लागोपाठ आलेल्या भूकंपामुळे रशियामध्ये त्सुनामीचं संकट ओढावलं आहे. अमेरिकन भूगर्भ सर्वेक्षण (USGS) यांनी रशियामध्ये त्सुनामी येऊ शकते, असा अंदाज वर्तवला आहे. रशियामध्ये सुरुवातीला रेश्टर स्केल 5.0 आणि 6.7 तीव्रतेचे भूकंप झाले. त्यावेळी त्सुनामीचा इशारा देण्यात आला नव्हता. पण 7.4 तीव्रतेचा भूकंप झाल्याने USGS ने त्सुनामीचा इशारा दिला आहे. त्सुनामीमुळे समुद्रात मोठ्या लाटा येऊ शकतात, असे यूएसजीएसने दिला आहे.

USGS ने दिलेल्या इशाऱ्यात म्हटलं की, त्सुनामीचा धोका पेट्रोपावलोव्स्क-कामचत्स्की शहरापासून दूर, प्रशांत महासागरात भूकंपाच्या केंद्रापासून 300 किलोमीटर असलेल्या समुद्राच्या किनारी भागाला दिला आहे. USGS नुसार, रशियाच्या किनाऱ्यावर 30 सेंटीमीटर ते एक मीटर (3.3 फूट) आणि जपान तसेच अमेरिकेच्या हवाई राज्यात 30 सेंटीमीटरपेक्षा (एक फूट) कमी उंचीच्या लाटा येण्याची शक्यता आहे.

अमेरिकेचं अलास्का राज्य या रशियन शहरापासून बेरिंग समुद्राच्या पलीकडे आहे. पण कोणताही अमेरिकन भाग या इशारा क्षेत्रात येत नाही. म्हणजेच अमेरिकेला त्सुनामीचा धोका नाही. USGS नुसार, रशियामध्ये सुरुवाती आलेल्या भूकंपांनंतर लागोपाठ अनेक धक्के बसले. 6.7 तीव्रतेचा सर्वात मोठा भूकंपाचा धक्का होता. भूकंपाचं केंद्र रशियामधल कामचटका क्षेत्राची राजधानी पेट्रोपावलोव्स्क-कामचत्स्कीपासून सुमारे 140 किलोमीटर पूर्वेला होतं. दरम्यान, एपीच्या अहवालानुसार, जर्मन रिसर्च सेंटर फॉर जियोसाइन्सेस (GFZ) ने माहिती दिली की, रविवारी पहाटे रशियाच्या कामचटका किनाऱ्याजवळ 6.5 पेक्षा जास्त तीव्रतेचे दोन भूकंप झाले. भूकंपांची तीव्रता 6.6 आणि 6.7 अशी मोजली गेली. दोन्ही भूकंपाची खोली 10 किलोमीटर होती.