वृत्तसंस्था : तुरा येथून शिलाँगकडे जाणाऱ्या प्रवाशांनी जात असलेली बस गुरुवारी सकाळी अचानक रिंगडी नदीत पडली आहे. या अपघातामध्ये आतापर्यंत ४ जणांचा मृत्यू झाला आहे. रिंगडी नदी मधील पाण्याच्या जोरदार प्रवाहामुळे मदत आणि बचाव कार्यात मोठ्या प्रमाणात अडचणी निर्माण होत होते.

बसमध्ये असलेल्या इतर प्रवाशांना बाहेर काढण्याचे काम सुरू आहे. पोलिसांनी सांगितलेल्या माहितीनुसार, १६ जखमींना रुग्णालयात दाखल करण्यात आले आहे. याठिकाणी काहींची प्रकृती अजून देखील गंभीर आहे. मिळालेल्या माहितीनुसार, गुरुवारी सकाळी प्रवाशांनी भरलेली बस तुरा या ठिकाणाहून शिलाँगसाठी निघाली होती.

हे देखील पहा-

बस नुकतीच नोंगचरम मधील रिंगडी नदीजवळ पोहोचली होती. जेव्हा ती अनियंत्रितपणे रेलिंग तोडून नदीत पडली. बस नदीत पडताच पलटी झाली आहे. या अपघातात आतापर्यंत ४ जणांचा मृत्यू झाला आहे. घटनेची माहिती मिळताच घटनास्थळी पोहोचलेले पूर्व गारो हिल्स पोलीस बसमधील प्रवाशांना बाहेर काढत आहेत.

आतापर्यंत मिळालेल्या माहितीनुसार, अपघातामध्ये अनेकजण गंभीर जखमी झाले आहेत. त्यांना रुग्णालयात दाखल करण्यात आले आहे. नदीतील पाण्यामुळे मदत आणि बचाव कार्यात मोठ्या प्रमाणात अडचणी निर्माण होत आहेत. परंतु, पोलीस आणि प्रशासन सर्व प्रवाशांना सुरक्षित बाहेर काढण्यात व्यस्त आहेत.

ईस्ट गारो हिल्सचे उपायुक्त स्वप्नील टेंबे यांनी दिलेल्या माहितीनुसार की, २ प्रवासी अद्यापही बेपत्ता आहेत, त्यांचा शोध सुरू आहे. आम्हाला आशा आहे की आम्ही त्यांना लवकरच शोधून काढू.

बसमध्ये २१ प्रवासी होते

ईस्ट गारो हिल्स पोलिसांनी दिलेल्या घटनेच्या माहितीनुसार, मेघालय ट्रान्सपोर्ट कॉर्पोरेशनची बस नदीत पडली आहे. तेव्हा बसमध्ये २१ प्रवासी होते. राजधानीपासून सुमारे १८५ किमी अंतरावर हा अपघात झाला आहे. अपघाताची माहिती मिळताच तातडीने बचाव आणि आपत्कालीन सेवांची टीम घटनास्थळी दाखल झाली आहे. आणि बचावकार्य अजून देखील सुरू आहे.

Edited By- Digambar Jadhav