लखनऊ : एकाच महिलेवर तीन वेगवेगळ्या ठिकाणी, 3 वेगवेगळ्या पुरुषांनी 3 वेळा बलात्कार केल्याची धक्कादायक घटना समोर आली आहे. या प्रकरणी तिघांपैकी एक 25 वर्षीय शबाब आलम (Shabab Alam) या आरोपीला पोलिसांनी अटक केली आहे.

लखनौच्या हजरतगंज पोलीस स्टेशनच्या परिसरात एक महिला बेशुद्ध अवस्थेत आढळून आल्याची माहिती मिळली असता पोलिसांनी तिला रुग्णालयात दाखल केले आणि डॉक्टरांच्या तपासातून या महिलेवरती बलात्कार झाल्याचं निष्पन्न झालं.

शिवाय याबाबत पोलिसांनी चौकशी केली असता या महिलेवर ३ वेगवेगळ्या ठिकाणी ३ वेगवेगळ्या लोकांनी बलात्कार केल्याची धक्कादायक माहिती समोर आली. पोलिसांनी दिलेल्या माहितीनुसार, शबाब आलम नावाच्या आरोपीने आधी या महिलेवर बलात्कार करून तिला चारबागजवळ सोडून दिले. त्यानंतर तिला सोडून दिलेल्या ठिकाणी दुसऱ्या एका आरोपीने तिच्यावर बलात्कार करुन तिला आहे त्याच स्थितीत सोडून दिलं.

पोलिसांना परिवर्तन चौकात एक महिला बेशुद्ध अवस्थेत आढळल्याची माहिती दिल्यानंतर हजरतगंज पोलिसांनी तात्काळ घटनास्थळी जाऊन पीडितेला क्वीन मेरी हॉस्पिटलमध्ये घेऊन गेले असता तिच्यावर बलात्कार झाल्याचं समोर आलं.

याप्रकरणी पोलिसांनी सामुहिक बलात्काराचा गुन्हा दाखल केला असून ते अधिकचा तपास करत आहेत. या प्रकरणातील एका आरोपीला अटक करण्यात आली आहे. मात्र २ संशयीत आपोपींना अटक केलेली नसल्याचं हजरतगंज पोलिस स्टेशनचे स्टेशन हाउस ऑफिसर (SHO) श्याम बाबू शुक्ला यांनी सांगितले.

Edited By - Jagdish Patil