Odisha Accident News: ओडिशातील बालासोर येथील रेल्वे अपघाताची घटना ताजी असतानाच आता ओडिशाच्या गंजम येथे आणखी एक भीषण अपघात झाला आहे. दोन बसची समोरासमोर धडक झाल्याने भीषण अपघात झाला.

या अपघातामध्ये १२ जणांचा मृत्यू झाला असून ८ प्रवाशी गंभीर जखमी आहेत. जखमींना जवळच्या सरकारी रुग्णालयात दाखल करण्यात आले असून त्यांच्यावर उपचार सुरु आहे. हा भीषण अपघात मध्यरात्री उशिरा झाल्याची माहिती समोर आली आहे. या घटनेनंतर परिसरात एकच खळबळ उडाली आहे.  (Latest Marathi News

घटनास्थळी पोहोचलेल्या अधिकाऱ्यांनी घटनेच्या चौकशीचे आदेश दिले आहेत. अधिकाऱ्यांनी सांगितले की, आतापर्यंत 12 जणांचा मृत्यू झाला असून यात 6 पुरुष, 4 महिला आणि 2 अल्पवयीन आहेत. ओडिशा (Odisha) सरकारने मृतांच्या कुटुंबीयांना प्रत्येकी तीन लाख रुपयांची मदत जाहीर केली आहे. तर जखमींना 30 हजार रुपये देण्याची घोषणा केली आहे.

बेरहामपूरचे एसपी यांनी दिलेल्या माहितीनुसार, दोन्ही बसची समोरासमोर धडक झाली. ओएसआरटीसी बसमधील प्रवासी किरकोळ जखमी झाले. मृत्युमुखी पडलेले बहुतांश प्रवासी खासगी बसमधील होते. (Accident News)

ओएसआरटीसीची बस रायगडाहून भुवनेश्वरला जात होती, तर खासगी बस बेरहामपूरहून जिल्ह्यातील खंडादेउली गावातून लग्नाचे वऱ्हाड घेऊन परतत होती. दिगपहांडी पोलीस आणि अग्निशमन दलाच्या जवानांनी घटनास्थळी धाव घेत अनेक प्रवाशांची सुटका केली.मात्र, हा अपघात नेमका कसा झाला याची माहिती अद्याप समोर आलेली नाही. या घटनेमागचे कारण अद्याप समजू शकलेले नाही.