मुंबई - रेल्वे मध्ये चढताना प्रवासी पडल्याच्या घटना तुम्ही अनेकदा ऐकल्या असतील. अशाच प्रकारची एक घटना मुंबईतील रेल्वे स्टेशनवर घडली आहे. पण एका महिला कॉन्स्टेबलने या महिलेचे प्राण वाचवले आहे. मुंबईच्या रेल्वे स्टेशनवर चालत्या ट्रेनमध्ये चढताना एका 50 वर्षीय महिलेचा पाय घसरून रेल्वेखाली जाणार होती. तेवढ्यात RPF च्या एका महिला कॉन्स्टेबलने अतिशय त्या महिलेचा जीव वाचवला. स्टेशनवर घडलेली ही घटना सीसीटीव्हीत कैद झाली. तसेच, महिला कॉन्स्टेबलचे कौतुकही केले आहे.

हे देखील पहा -

RPF च्या महिला कॉन्स्टेबल सपना गोलकर यांनी वेळीच कारवाई केली नसती, तर ती महिला घसरु प्लॅटफॉर्म आणि ट्रेनमधील अंतरात पडली असती. कॉन्स्टेबल गोलकर यांच्या धाडसी कृतीसाठी रेल्वे संरक्षण दलाकडून त्यांचे कौतुक करण्यात आले आहे.

सीसीटीव्हीत असे दिसून येत आहे की, सँडहर्स्ट रोड रेल्वे स्टेशनवर महिला ट्रेनमध्ये चढत असताना अचानक या महिलेचा पाय घसरला आणि ती खाली पडली. ती रेल्वेखाली जाणार, तेवढ्यात समोर RPF च्या महिला कॉन्स्टेबलने धाव घेत या महिलेला बाजूला खेचून तिचा जीव वाचवला.

Edited By - Shivani Tichkule