ठाणे : आम्ही तीन महिन्यापूर्वीच फटाके फोडले असून आमचा आवाज किती डेसिबल होता हे विरोधक अजूनही मोजत आहेत असा टोला विरोधकांना मुख्यमंत्री एकनाथ शिंदे (Eknath Shinde) यांनी लगावला आहे. ते ठाण्यातील (Thane) एका कार्यक्रमात बोलत होते.

यावेळी बोलताना मुख्यंमंत्री शिंदे म्हणाले, आम्हाला प्रचंड प्रतिसाद जाणवत आहे. आम्ही राज्याच्या हिताचे कामं केली. लोकांच्या हितासाठी नियमाच्या बाहेर जाऊन निर्णय घेत आहोत. विरोधकांना कामाने उत्तर देणार असल्याचंही ते यावेळी म्हणाले. तर ठाणेकर सदैव कलावंतांच्या पाठीशी उभे राहतात असं म्हणत त्यांनी उपस्थित ठाणेकरांचे देखील कौतुक केलं.

पाहा व्हिडीओ -

मुख्यमंत्री एकनाथ शिंदे यांच्याकडे मुख्यमंत्रीपदाची धुरा आल्यापासून त्यांनी राज्यातील सणांवरचे निर्बंध उठवलेच मात्र, ते सण साजरे करण्यासाठी मुख्यमंत्री जातीने उपस्थित राहत असल्याचं दहीहंडी, गणेशोत्सव आणि नवरात्रीत देखील आपण सर्वांनी पाहिलं आहे. अशातच आता दिवाळीमध्ये देखील मुख्यमंत्री अनेक सार्वजनिक कामाला उपस्थिती लावताना दिसतं आहेत.

अशातच त्यांनी आज ठाण्यातील दिवाळीनिमित्त आयोजित केलेल्या कार्यक्रमांना हजेरी लावली होती. यावेळी त्यांनी ठाण्यातील नागरिकांना अनेक आश्वासनं दिली. शहरातील वाहतुक कोंडीबरोबरच खड्ड्यांचा समवेत सर्विस रोडचे देखील काँक्रिटीकरण केलं जाईल तसेच मुंबईील सर्वच रस्ते पुढील दोन वर्षात पूर्ण काँक्रिटीकरण झालेले असतील असंही मुख्यमंत्री ठाण्यातील कार्यक्रमात म्हणाले.