Alandi News :

संतश्रेष्ठ ज्ञानेश्वर महाराज (sant dnyaneshwar maharaj) यांचा संजीवन समाधी सोहळा आणि कार्तिकी एकादशी यात्रा (kartiki ekadashi yatra) सोहळा उद्यापासून (ता. 5 डिसेंबर) सुरु होत आहे. शनिवारी कार्तिकी एकादशी तर सोमवारी संजीवन समाधी सोहळा आहे. त्यातच संत ज्ञानेश्वर महाराज संस्थान कमिटीत विश्वस्त म्हणून स्थानिकांनाही स्थान मिळावे यासाठी आळंदीकर ग्रामस्थांनी बैठक घेत उद्या (मंगळवार) आळंदी बंदची हाक दिली आहे. (Maharashtra News)

आळंदी देवस्थानच्या (alandi devasthan) विश्वस्तपदी स्थानिकांची निवड करण्यात यावी या मागणीसाठी संबधित प्रशासनाकडे पत्र व्यवहार करण्यात आला होता. तरी देखील संबंधित प्रशासनाने स्थानिकांचा विचार न करता आळंदी देवस्थानवर तत्कालीन विश्वस्तांच्या शिफारशी वर नवीन तीन विश्वस्तांची नेमणुक केली आहे. तसेच तत्कालीन विश्वस्तांना सुध्दा मार्च महिन्यापर्यंत मुदत वाढवून देण्यात आली आहे.

याबाबत समस्त आळंदीकर ग्रामस्थांच्या वतीने या गोष्टीचा तीव्र निषेध करण्यात आला आहे. प्रशासनाने याकडे योग्य लक्ष न दिल्यास कार्तिकी वारीत तीव्र आंदोलन छेडण्याचा इशाराही रामभाऊ भोसले (माजी उपनगराध्यक्ष), कुराडे पाटील यांच्यासह ग्रामस्थांनी साम टीव्हीशी बाेलताना दिला.

Edited By : Siddharth Latkar