वसई/विरार: मुंबई-अहमदाबाद महामार्गावर पोलीस आणि चोरांमध्ये फिल्मी स्टाईल थरार झालेला पाहायला मिळाला. पेल्हार पोलीस ठाणे हद्दीत चार दिवसांपूर्वी 75 लाखांच्या सुपारीची चोरी झाली होती. या गुन्ह्यातील आरोपीला अटक करण्यासाठी पोलिसांची तयारी सुरू होती. याच दरम्यान हा आरोपी एका ट्रक मधून जात असल्याची माहिती पोलिसांच्या क्राईम युनिटला मिळाली (Vasai Virar Crime News Police Arrest Thief In Filmy Style).

पोलिसांनी ट्रकचा फिल्मी स्टाईलने पाठलाग करत त्याला अडविले. तेव्हा आरोपीने पोलिसांच्या (Police) अंगावर ट्रक सोडून पळ काढला. यावेळी पोलिसांनी आरोपीवर गोळीबार (Firing) करण्याचा प्रयत्न केला. मात्र, गोळीबारात पोलीसच किरकोळ जखमी झाले.

हा आरोपी पोलिसांना ट्रक पळवून गुंगारा देत पळ काढण्याच्या प्रयत्नात होता. मात्र, पोलिसांनी मोठ्या शिताफीने त्याला अटक(Arrest) केली. जयवीर रामस्वरुप असे त्याचे नाव असून तो उत्तर प्रदेशातल्या मुजफ्फर नगर येथील रहिवाशी आहे. सोमवारी मध्यरात्री 2 वाजताच्या सुमारास महामार्गावर हा फिल्मी स्टाईल थरार सुरु होता.

Edited By - Nupur Uppal