सुप्रीम मस्कर, साम टीव्ही

महाराष्ट्राला हादरवून टाकणाऱ्या वैष्णवी हगवणे मुत्यु प्रकरणाच्या तपासाला आता वेग आलाय.भू इथल्या ज्या घरातल्या पंख्याला गळफास लावून घेतला होता त्या पंख्यामुळेच आता तिच्या मृत्यूचं खरं कारण समोर येणार आहे. ७१ किलो वजन पंखा पेलू शकतो का यावरून आता तपासणी सुरू झाली आहे. तो पंखा आणि वैष्णवीची साडी फॉरेन्सिक तपासासाठी पाठवण्यात येणार आहेद. हा तपासणी अहवालच ही आत्महत्या होती की हत्या याचं कोडं सोडवेल.

वैष्णवीच्या मृत्युचं कोडं सुटणार?

पंखा 71 किलो वजन पेलू शकतो का? याची तपासणी होणार

निलेश चव्हाणच्या लॅपटॉप, मोबाइलचीही तपासणी होणार

लॅपटॉपमध्ये व्हिडिओ क्लिप असल्याची शक्यता

वैष्णवीवर अनन्वित अत्याचार करुन जीवे मारल्याचा आरोप याआधीही करण्यात आलाय. वैष्णवीच्या मुत्युनंतर तुम्ही 2 कोटी दिले नाही म्हणून तुमच्या मुलीला मारल्याचं वक्तव्य शशांकनं थेट वैष्णवीच्या वडीलांसमोरच केलं होतं. वैष्णवीच्या शरीरावरील जखमा पाहता तिला बेदम मारहाण करुन तिची हत्या झाल्याची शक्यता वर्तवण्यात येत आहे.त्यामुळे आठ महिन्याच्या बाळाची आई असलेल्या वैष्णवीच्या मृत्युमागचं खर कारणं समोर येईल

वैष्णवीची आत्महत्या नसून हत्या असल्याचा दावा वांरवार कस्पटे कुटुंबियांकडून केला जात आहे. अशात वैष्णवीचं पोस्ट मार्टेम ज्या ससून हॉस्पिटलमध्ये झालं त्या ससूनचा इतिहासही जगजाहीर आहे. त्यामुळे फॉरेन्सिक अहवालात नेमकं काय समोर येतं हे पाहणं महत्त्वाचं ठरेल..