पुणे - हिंजवडी परिसरातील पुनवळे येथे ऑटोरिक्षा (Auto Rickshaw) चालकांनी उबेर बाईक चालकाला बेदम मारहाण केल्याची धक्कादायक घटना घडली आहे. उबर बाईक चालकाला बेदम मारहाण केल्याप्रकरणी दोन रिक्षाचालकांना अटक (Arrest) करण्यात आली आहे. या मारहाण प्रकरणी अंकुश कृष्णा सूर्यवंशी या उबेर बाईक चालकाने हिंजवडी पोलीस स्टेशनमध्ये बाबुराव पांचाळ, शरण बसप्पा पांचाळ आणि हनुमंत माने यांच्या विरोधात गुन्हा दाखल केला आहे.

हे देखील पहा -

पोलिसांनी दिलेल्या माहितीनुसार, या तीन ऑटो-रिक्षा चालकांनी शुक्रवारी दुपारी तक्रारदार सूर्यवंशी याला बुकिंग करून बोलावले. त्यानंतर सूर्यवंशी पुनावळे येथील घटनास्थळी पोहोचल्यावर रिक्षाचालकांनी आमचं भाडं तू का पळवतो त्यामुळेआमचे नुकसान होत आहे असा ठपका लावला. तसेच त्याला स्वतःचा मोबाईल दगडाने फोडून काढण्यास भाग पडले. या प्रकरणी पोलिसांनी बाबुराव पांचाळ आणि हनुमंत माने या दोघांना अटक करण्यात आली असून त्यांच्या एका साथीदाराचा शोध सुरू आहे.

Edited By - Shivani Tichkule