Raksha Bandhan 2022 : रक्षाबंधन (Raksha Bandhan) म्हटलं बहिण भावाच्या बंधनांचा सण. बहिणीच्या रक्षणाची शपथ देऊन बहिण राखीचा धागा भावाच्या हातुन बांधते आणि सदैव माझ्या पाठीशी उभं रहाण्याचे वचन भावाकडुन घेते. मात्र बहिणींला भाऊच नसल्याने निराश न होता बहिणच भावाची भुमिका बजावतेय. हाेय ! राजगुरुनगर येथील दोन चिमुकल्यांनी आपल्याला भाऊ नाही याची खंत न बाळगता आज उत्साहात राखी पाेर्णिमा साजरी केली.

राजगुरुनगर येथील या दोन चिमुकल्यांना भाऊ नाही मात्र भाऊ नसल्याची खंत न ठेवता झाशी राणी, राजमाता जिजाऊ, आहिल्यादेवी, सावित्रीबाई फुले यांची प्रेरणा घेऊन एकमेकींना राखी बांधून त्यांनी समाजातील अनिष्ट रूढी आणि वाईट प्रवृत्ती पासून रक्षा करण्याच जणू वचनच दिलंय.

आम्हीही कुठं कमी नाही असं म्हणत आपल्या चिमुकल्या बहिणीच्या रक्षण करण्याची जबाबदारी घेत रक्षेच्या बंधनाचा धागा बांधला. समाजात आजही अनेक ठिकाणी नकोशी पहायला मिळतात. जन्मदातेच लेकीला नकोशी म्हणुन जन्मताच तिला रस्त्यावर सोडुन निघुन जातात. जिवंतपणीच लेकीला मरणाच्या यातना देणा-यांनी या दोन बहिणींच्या प्रेमाचा आदर्श घ्यावा हेच या रक्षाबंधनातुन सांगावं लागेल.

Edited By : Siddharth Latkar