अक्षय बडवे

Pune News : पुण्यातून एक मोठी बातमी समोर येत आहे. देशविरोधी कृत्याच्या संशयावरून पुण्यातून दोन जणांना ताब्यात घेतलं आहे. पुण्यात ATS नी कारवाई केली आहे. एटीएससह पुणे पोलीसही या कारवाईत सहभागी आहेत.

देशविरोधी कृत्याच्या संशयावरुन पुण्यातील कोथरूड परिसरातून दोघांना ताब्यात घेण्यात आलं आहे, तर एक आरोपी फरार आहे. काल मध्यरात्री दोन्ही तरुणांना ATS ने ताब्यात घेतलं. (Pune Latest News)

दोघा तरुणांना शहर पोलिसांनी संशयावरुन मंगळवारी सायंकाळी ताब्यात घेतले. त्यांच्याकडील लॅपटॉपमध्ये काही संशयास्पद कागदपत्रे आढळून आल्याने शहर पोलीस दलाने ही माहिती दहशतवाद विरोधी पथकाला कळवली.

विश्वसनीय सूत्रांनी दिलेल्या माहितीनुसार, हे दोन परप्रांतीय तरुण २५ ते ३० वयोगटातील आहेत. त्यांच्याकडे जिवंत काडतुसे मिळाली, मात्र पिस्तुल मिळाले नाही. त्यांच्याकडील लॅपटॉपची पाहणी केल्यावर त्यात काही संशयास्पद कागदपत्रे आढळून आली आहेत

(Live Marathi News)

त्यांचा कोणत्या दहशतवादी कृत्यामध्ये हात असू शकतो, हे लक्षात घेऊन ही माहिती दहशतवाद विरोधी पथकाला कळवण्यात आली आहे. या पार्श्वभूमीवर एटीएस, गुप्तचर यंत्रणा त्या तिसऱ्या साथीदाराचा शोध घेत आहेत. तपास यंत्रणा प्रकरणाचा अधिक तपास करत आहे.